02. சனிகோளைச் சுற்றி வளையங்களும், பல துணைக்கோள் இருப்பதையும் நாம் அறிவோம். ஆனால், முதன்முறையாக விஞ்ஞானிகள் சனி, சூரியனைச் சுற்றி வரும் அதே பாதையில், சுற்றி வருகின்ற ஒரு விண்கல்லைக் கண்டறிந்துள்ளனர்.

03. கோண்டுவானாக்ஸ் பாரைசென்சிஸ் (Gondwanax paraisensis) என்பது ஊர்வன இனத்தைச் சேர்ந்த ஒரு சிறிய, நான்கு கால் உயிரினம். தோராயமாக ஒரு சிறிய நாயின் அளவு இருக்கும். அதாவது 1 மீட்டர் நீளமும், 3 முதல் 6 கிலோ எடையும் கொண்டது. 23.7 கோடி ஆண்டுகளுக்கு முற்பட்ட இதனுடைய தொல்லெச்சத்தை பிரேசில் நாட்டில் விஞ்ஞானிகள் கண்டறிந்துள்ளனர்.

04. தங்களுடைய நட்சத்திரத்துக்கு, மிக அருகில் சுற்றி வரும், புதிய கோள்களை சீன விஞ்ஞானிகள் செயற்கை நுண்ணறிவின் உதவியுடன் கண்டறிந்துள்ளனர். இவற்றில் நான்கு, பூமியை விடச் சிறியவை, அதாவது சராசரியாக செவ்வாய் கிரகத்தின் அளவை உடையவை.

05. இன்று (அக்டோபர் 17) வியாழக்கிழமை நம்முடைய நிலவு வழக்கத்திற்கு மாறாக பெரிதாகவும் பூமிக்கு அருகிலும் தோன்ற உள்ளது. இந்த சூப்பர் நிலவை 'ஹன்டர்ஸ் மூன்' என்பார்கள். இந்தியாவில் அதிகாலை 4:26 மணியிலிருந்தே இதைப் பார்க்க முடியும்.