தேவையான பொருட்கள்:

கோவைக்காய் - 250 கிராம்

இஞ்சி - 100 கிராம்

எலுமிச்சம் பழம் - 5

உப்பு - தேவையான அளவு.

செய்முறை:

கோவைக்காயை சுத்தம் செய்து, சிறு துண்டுகளாக்கவும். இஞ்சியை, தோல் சீவி நன்றாக அரைத்து, சாறு எடுக்கவும். எலுமிச்சம் பழத்தை நறுக்கி, சாறு பிழியவும்.

இஞ்சி, எலுமிச்சை சாறை, நறுக்கிய கோவைக்காயில் சேர்த்து, தேவையான உப்பு சேர்த்து, 10 நிமிடங்கள் ஊற வைக்கவும். அருமையான, 'கோவைக்காய் ஊறுகாய்!' தயார்.

தயிர்சாதத்துடன் தொட்டுக் கொள்ள ஏற்றது. அனைத்து வயதினரும் விரும்புவர்.

- சவுமியா, சென்னை.