sub-imageதினமலர் டிவி
sub-imagePodcast
sub-imageiPaper
sub-imageசினிமா
sub-imageகோயில்கள்
sub-imageபுத்தகங்கள்
sub-imageSubscription
sub-imageதிருக்குறள்
sub-imageகடல் தாமரை
Dinamalar Logo

ஞாயிறு, நவம்பர் 30, 2025 ,கார்த்திகை 14, விசுவாவசு வருடம்

டைம்லைன்


தற்போதைய செய்தி


தினமலர் டிவி


ப்ரீமியம்


தமிழகம்


இந்தியா


உலகம்


வர்த்தகம்


விளையாட்டு


கல்விமலர்


டீ கடை பெஞ்ச்


/

இணைப்பு மலர்

/

சிறுவர் மலர்

/

பரிவான வாழ்த்து!

/

பரிவான வாழ்த்து!

பரிவான வாழ்த்து!

பரிவான வாழ்த்து!


PUBLISHED ON : மே 15, 2021

Google News

PUBLISHED ON : மே 15, 2021


Google News
Latest Tamil News
நிறம் மற்றும் எழுத்துரு அளவு மாற்ற

விழுப்புரம் மாவட்டம், திண்டிவனம், பாங்கொளத்துார் ஊராட்சி ஒன்றிய தொடக்கப் பள்ளியில், 1961ல், 4ம் வகுப்பு படித்துக்கொண்டிருந்தேன்.

தமிழக முதல்வராக இருந்த காமராஜர், ஆவணிப்பூர் கிராமத்தில், தொடக்க வேளாண்மைக் கூட்டுறவு வங்கியை துவங்கி வைக்க வந்தார்.

எங்கள் ஊரை கடந்து தான் அவர் செல்ல வேண்டும். பேருந்து நிறுத்தத்தில், அவரை வரவேற்க, பந்தல் போட்டு, ஊர்மக்களுடன் மாணவ, மாணவியரும் நின்றனர். டைபாய்டு காய்ச்சலால் அவதிப்பட்டு அப்போது தான் குணமாகி இருந்தேன். அதனால், ஆசிரியர் பச்சையப்பன் அருகில் நின்றிருந்தேன்.

என்னிடம் வந்த காமராஜர், 'வாழ்க... வாழ்க...' என, பரிவுடன் கன்னத்தை தடவியபடி ஆவணிப்பூருக்கு புறப்பட்டுச் சென்றார். நிகழ்வு முடிந்து பள்ளிக்கு வந்தோம்.

என் தந்தையை அழைத்த ஆசிரியர், 'உங்கள் மகனைப் பெரிய மனிதர் தொட்டு வாழ்த்தி இருக்கிறார்; இவன் நன்கு படித்து, சமுதாயத்திற்கு சேவை செய்வான்...' என்று மகிழ்வுடன் கூறினார்.

அந்த வாழ்த்து பலித்தது. கல்வியில், அனைத்து நிலைகளிலும், முதல் வகுப்பிலேயே தேர்ச்சி பெற்றேன். ஆசிரியப்பணியில் சேர்ந்து, மேல்நிலைப் பள்ளி தலைமை ஆசிரியராக ஓய்வு பெற்றேன்.

என் வயது, 68; என்னை ஆசிர்வதித்த காமராஜர் மற்றும் அந்த ஆசிரியரை நன்றியுடன் நினைவில் கொண்டுள்ளேன்.

- வெ.கிருஷ்ணமூர்த்தி, விழுப்புரம்.






      Dinamalar
      Follow us