PUBLISHED ON : டிச 27, 2013

உலகினில் எண்ணற்ற மொழிகள் பேசப் படுகின்றன. பொது மொழியாய் இருப்பது ஆங்கிலம். உலகினில் வெவ்வேறு தேதிகளில் மக்கள் புத்தாண்டை கொண்டாடினும், பெரும்பாலான மக்கள் கடைப்பிடிப்பது ஆங்கிலப் புத்தாண்டினையே! ஆங்கில புத்தாண்டு கொண்டாட்டங்களை கண்ணுருவோம்!
ஆஸ்திரேலியாவில் தான் ஆரம்பம்!
ஆஸ்திரேலியாவில் தொடங்கும், 'ஹேப்பி நியூ இயர்' வாழ்த்து முழக்கம் ஒவ்வொரு நாடாக பரவி இறுதியில் அமெரிக்காவில் முடியும். ஆஸ்திரேலியாவில் புத்தாண்டு கொண்டாட்டங் கள் 6 நாட்கள் நீடிக்கும். கடற்கரையில் லட்சக் கணக்கான மக்கள் திரள்வர். நள்ளிரவு 12 மணிக்கு தேவாலயத்தின் மணியோசை அடிப்பதில் துவங்குகிறது உற்சாக முழக்கங்கள்... சந்தோஷ அலறல்கள்.
சிட்னி நகரின் பிரபலமான துறைமுக பாலத்தி லிருந்து 80 ஆயிரத்துக்கும் அதிகமான வாண வெடிகள் வெடிக்கப்படும். இந்த வாண வேடிக்கை களை சிட்னியில் இருந்து 16 கிலோ மீட்டர் சுற்றளவு தூரம் வரையில் பார்க்க முடியும்.
கவலைகளை கொளுத்துவோம்!
1752ம் ஆண்டில் இருந்து ஜனவரி 1ம் தேதியை புத்தாண்டாக கொண்டாட தொடங்கியது இங்கிலாந்து. புத்தாண்டு தின கொண்டாட்டங்களை இவர்களை போல எந்த நாட்டினரும் எதிர்பார்த்து, காத்திருந்து கொண்டாடுவதில்லை.
சால்சா நடனம், தீம் பார்ட்டிகள் என்று இங்கிலாந்தின் புத்தாண்டு கொண்டாட்டங்கள் மற்ற நாட்டினரை பொறாமை கொள்ளசெய்யும். புத்தாண்டில் வீட்டிற்கு வரும் முதல் நபர் அதிர்ஷ்டத்தை கொண்டு வருவார் என்கிற பழைய பாரம்பரியம் இன்றுவரை நம்பப்படுகிறது.
செடிகள், குப்பைகள் உள்ளிட்டவற்றை எரிக்கும் வழக்கத்தையும் வைத்திருக்கின்றனர். இது கடந்த காலத்தின் வருத்தமான நிகழ்வு களை, துன்பங்களை எரித்துவிடுமாம். புத்தாண்டையொட்டி பரேடு நடத்துகின்றனர். இசைக்கலைஞர்கள், நடனக்கலைஞர்கள், டிரம்ஸ் இசைப்பவர்கள் என பலரும் கலந்து கொள்வதால் இந்த புத்தாண்டு ஊர்வலம் அனைவரையும் கவர்கிறது.
பன்றி வந்தா உணவு, கோஸ் தின்னா பணம்!
புத்தாண்டு கொண்டாட்டங்கள் ஜெர்மனியில் டிசம்பர் 31ம் தேதியை புனித சில்வஸ்டர் நினைவாக அவர் பெயரிலேயே அழைக்கின்றனர். புனித சில்வஸ்டர் மட்டுமே இயேசு குடும்பத்தால் அங்கீகரிக்கப்பட்டவர்களை நேரடியாக சந்தித்த போப் ஆண்டவர் என்றும், வியாதிகளையும் குணப்படுத்தியவர் என்றும் அவரை நினைவு கூறுகின்றனர்.
தேவாலயத்தில் மணி நள்ளிரவு 12 மணிக்கு ஒலிக்கும் போது ஒருவருக்கொருவர் ஆரத் தழுவி, முத்தமிட்டு தங்கள் அன்பையும், நேசத் தையும் வெளிப்படுத்துகின்றனர்.
முட்டைக்கோஸ், கேரட் சாப்பிடுவதால் புதிய வருடம் நிதி நெருக்கடி இல்லாமல் இருக்கும் என்ற நம்பிக்கையும் ஆழமாக இருக்கிறது.
படகு மூழ்கலைனா... நினைச்சது நடக்கும்!
அனோ நோவா என்ற போர்ச்சுகீசிய பெயரால் புத்தாண்டை பிரேசில் மக்களில் ஒரு பகுதியினர் அழைக்கின்றனர். பெரும்பான்மையான மக்கள் ரிவில்லிபன் என்ற பெயரால் அழைக்கின்றனர். பிரேசில் மக்களும் ஜனவரி 1ம் தேதியே தங்கள் புத்தாண்டை கொண்டாடுகின்றனர். பிரேசில் மக்களின் கலாச்சாரம், பாரம்பரியத்தை வெளிப்படுத்துவதாக அமைகின்றன புத்தாண்டு கொண்டாட்டங்கள்.
புத்தாண்டு தினத்தில் பருப்பு மற்றும் அரிசி உண்பதை பாரம்பரியமாக வைத்திருக்கின்றனர். அரிசி மற்றும் பருப்பினை புத்தாண்டு தினத்தில் உண்பதால் எதிர்காலம் சிறப்பானதாக அமையும் என்கின்றனர் பிரேசில் நாட்டினர்.
புத்தாண்டை ஏற்காதவர் முட்டாள்!
பிரெஞ்சு புத்தாண்டு கொண்டாட்டத்தில் முக்கிய இடம் பிடிப்பது ஊர்வலம்தான். இந்த 2 நாள் நிகழ்ச்சியை பெரிதும் விரும்புவர். ஆயிரக் கணக்கான பாடகர்களும், நடன கலைஞர்களும் இந்த ஊர்வலத்தில் உற்சாகமாக பங்கெடுப்பர். இந்த ஊர்வலம் 31ம் தேதி தொடங்கி ஜனவரி 1ம் தேதி ஈபிள் டவர் பகுதியில் நிறைவடையும். ஜனவரி 1ம் தேதியை புத்தாண்டு தினம் என அறிவித்தவர் 4வது சார்லஸ் மன்னர்.
இந்த தினத்தை புத்தாண்டு என ஏற்காதவர் களை முட்டாள்கள் என்று அழைத்தனர். கிரிகோரியன் காலண்டர் அறிமுகப்படுத்தப்படும் வரை மார்ச் மாத இறுதியில் இருந்து ஏப்ரல் மாத தொடக்கம் வரையே புத்தாண்டு கொண்டாடப்பட்டது.
1582ம் ஆண்டில் தான் ஜனவரி 1 புத்தாண்டு தினமானது.
பனிக்கா - புத்தாண்டு ஸ்பெஷல் ட்ரீட்!
ஆங்கிலப் புத்தாண்டை விளையாட்டுப் போட்டிகள் நடத்தி கொண்டாடும் நாடு பல்கேரியா. புத்தாண்டு தினத்திற்கு முன் தினம் மாலை சாண்டா கிளாஸ் உடை அணிந்து பெரிய அளவில் கூடுவர்.
அந்த நாளை புனித பசில் தினம் அல்லது சர்வகி என்று அழைக்கின்றனர். பனிக்கா என்கிற பாரம்பரிய உணவினை புத்தாண்டு சிறப்பு உணவாக தயாரிக்கின்றனர். புத்தாண்டு இரவில் பாரம்பரிய நடனம் ஆடும்போது பெண்களின் எதிர்காலம் பற்றிய ஜோதிடம் சொல்லும் வழக்கமும் பல்கேரியாவின் சில பகுதிகளில் காணப்படுகின்றன.
நல்ல குழந்தைகளுக்கு தேவதையின் பரிசு!
1699ம் ஆண்டுக்கு பிறகு ஜனவரி 1ம் தேதியை புத்தாண்டாக கொண்டாடி வருகின்றனர் ரஷ்ய மக்கள். அன்றைய தினம் குடும்பத்தோடு விடுமுறையை கொண்டாடுகின்றனர்.
கிறிஸ்துமஸ் மரம் வைப்பது போன்று ரஷ்யாவில் புத்தாண்டு மரம் ஒன்றை தயாரிக் கின்றனர். இந்த மரத்தின் உச்சியில் ஸ்டார் ஒன்று தொங்கவிடப்பட்டிருக்கும். பல்வேறு இனிப்பு வகைகளால் இந்த மரம் அலங்கரிக்கப்படுகிறது.
நல்ல குழந்தைகளுக்கு பரிசுகளை கொடுக்கும் பனி தேவதை வேடம் போட்ட பெண் அந்த குழந்தைகளை புத்தாண்டு மரத்தின் கீழ் அமர வைக்கிறார்கள். குழந்தைகள் பாடல்கள் பாடி, பனி தேவதையையும், அதன் தந்தையையும் மகிழ்விப்பதாக பாரம்பரியம் இருக்கிறது.
'எல்லா நாடுகளிலிருந்தும் உங்களுக்கு புத்தாண்டு வாழ்த்துக்கள் சொல்கின்றனர் குட்டீஸ்'
***
