பழனி அருகே, சத்திரப்பட்டி துவக்கப் பள்ளியில், 1961ல், 4ம் வகுப்பு படித்துக்கொண்டிருந்தேன். அப்போது, தமிழக முதல்வராக இருந்த பெருந்தலைவர் காமராஜர், எங்கள் பள்ளிக்கு வருகை தந்தார். அடுத்த ஆண்டே, உயர்நிலைப் பள்ளியாக தரம் உயர வழி வகை செய்தார்.

அதன்மூலம், மிகவும் பின் தங்கிய கிராமப்புறத்தில் வசித்த என் போன்றோர் பள்ளிக் கல்வியை தொடர வாய்ப்பு கிடைத்தது. அதே பள்ளியில் 1968ல், 11ம் வகுப்பு முடித்தேன். பின், டி.கல்லுப்பட்டி ஆசிரியர் பயிற்சி மையத்தில் சேர்ந்தேன்.