தேவையான பொருட்கள்:

புதினா இலை - 20

காய்ந்த மிளகாய் - 2

பூண்டு, கடுகு, புளி, பெருங்காயம் கறிவேப்பிலை - சிறிதளவு

எண்ணெய், சீரகம், மிளகு, உப்பு, தண்ணீர் - தேவையான அளவு.

செய்முறை:

புளியை, தண்ணீரில் கரைத்து கசடு நீக்கி வடிகட்டவும். மிளகு, சீரகம், பூண்டு, புதினா இலையை நன்கு அரைத்து, அதில் போட்டு கொதிக்க விடவும். நன்றாக கொதித்த பின் கடுகு, கறிவேப்பிலை, பெருங்காயம், காய்ந்த மிளகாயை, எண்ணெயில் தாளித்து கொட்டவும்!

சூடான, 'புதினா ரசம்' தயார். சுடுசாதத்தில், நெய்யுடன் ஊற்றி சாப்பிட சுவை அள்ளும். அனைத்து வயதினரும் விரும்புவர்.

- என்.சோபியா, கள்ளக்குறிச்சி.