தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச் சோலை!

கவிதைச் சோலை!

கவிதைச் சோலை!


PUBLISHED ON : செப் 28, 2014

Follow on GoogleFavourite on Google

PUBLISHED ON : செப் 28, 2014


Follow on Google
Latest Tamil News
அ நிறம் | அளவு

காந்தியைக் காணவில்லை!

* மனம் பதைத்தது

உடல் நடுங்கியது

உண்மையிடம்

ஓடினேன் - அது

உருக்குலைந்துக்

கிடந்தது!

* நேர்மையை நாடினேன்

அதுவோ...

நீலிக்கண்ணீர்

வடித்தது!

* எளிமையை

எங்கு தேடியும்

கிடைத்தபாடில்லை!

* தூய்மையை

யாரோ

துரத்திக் துரத்தி

அடித்திருக்கின்றனர்

பாவம்

பேச்சுமில்ல

மூச்சுமில்ல!

* சத்தியமோ...

செத்த பிணமாய்

சகதியில்!

* அகிம்சையிடமிருந்தாவது

ஆதரவான

பதில் வராதா...

எதிர்பார்த்து

ஏமாந்து போனேன் - அது

வள்ளலார் விரித்த கடையில்

வாய்மூடிக் கிடந்தது!

* இவர்களைப் பிரிந்து

அவர் இருக்க மாட்டாரே...

கல்விக்கூடங்கள்

கவின் நீதிமன்றங்கள்

சட்டசபை

பாராளுமன்றம்

ஏன்

மனிதநேய அமைப்புகளில் கூட

மகாத்மாவைக் காணவில்லை!

* மெல்ல எழுந்தேன்

எதிரில் ஒரு டாஸ்மாக்

எட்டிப் பார்த்தேன்...

சிவப்பு நோட்டில்

தேச பிதா

சிரித்துக் கொண்டிருந்தார்!

* கண்ணுற்ற நானோ

மூர்ச்சையாகி

முச்சந்தியில்

விழுந்தேன்!



— தேன் தமிழன், நெய்வேலி நகர்.


தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us