ஒடிசா மற்றும் சத்தீஸ்கர் மாநிலங்களில், ஆட்டம், பாட்டம் என, மகர சங்கராந்தியை ஒரு வாரத்துக்கு கொண்டாடுவர், பழங்குடி மக்கள். இவர்களில் பெரும்பாலானோர் விவசாயிகள். அறுவடை முடிந்து, ஒவ்வொரு குடும்பத்தின் கைகளிலும் லாப பணம் இருக்கும். எனவே, இந்த சந்தோஷத்தை கொண்டாட, ஆண் - பெண் இருபாலருமே, மது அருந்தி மயங்கி இருப்பதும், இப்பண்டிகையின் ஓர் அங்கமாகும்.

இந்நாளில், ஒடிசாவின் புகழ்பெற்ற, ஜெகநாதர் கோவிலில், இரண்டு முறை அலங்காரங்கள் செய்து, சிறப்பு பூஜை செய்வர். சத்தீஸ்கர் மாநில கோவில்களிலும் சிறப்பு பூஜைகள் உண்டு.