தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/அந்துமணி பதில்கள்!

அந்துமணி பதில்கள்!

அந்துமணி பதில்கள்!


PUBLISHED ON : பிப் 07, 2016

Follow on GoogleFavourite on Google

PUBLISHED ON : பிப் 07, 2016


Follow on Google
Latest Tamil News
அ நிறம் | அளவு

வி.பாண்டீஸ்வரி, அவினாசி: பள்ளியில் படிக்கும்போது இருந்த, 'சின்சியாரிட்டி' கல்லூரியில் படிக்கும் போது இருப்பதில்லையே... என் தோழிகள் பலருக்கும் இதே, 'பீலிங்' தான்...

அனுபவித்து உணர்ந்ததில்லை. இருப்பினும், ஊகத்தில் சொல்கிறேன்... பள்ளி ஆசிரியர்களிடம், கல்லூரி ஆசிரியர்களை விட கண்டிப்பு அதிகம். தவிர, பள்ளியில் படிக்கும் போது வயதும் குறைவாக இருப்பதால், பயம் இருக்கும். அத்துடன், ஒவ்வொரு கிளாசும் ஒரு ஆண்டு தானே... 'கோட்' அடித்தால், ஒரு ஆண்டு வீணாகி விடுமே என்ற அச்சம் இருக்கும். இதனால், 'சின்சியராக' படிப்பதாக நினைத்து, வெறுமனே உருப் போட்டு பரீட்சையில், 'வாமிட்' செய்வோம்.

ஆனால், கல்லூரியில் படிக்கும் போது வயது கூடி, உலகம் பெரிது என்பதை அனுபவத்தில் உணர முடிகிறது. ஒரு முறை படித்தாலே மனதில் இருத்திக் கொள்ளும் திறன் வந்து விடுகிறது. 'மக்' செய்ய வேண்டிய அவசியம் இல்லை. 'மக்கிங்' இல்லாததால் அல்லது மேற்கூறிய காரணங்களால், சின்சியாரிட்டி குறைந்தது போன்ற மாயத் தோற்றம் உங்களிடமும், உங்கள் தோழியர்களிடமும் ஏற்பட்டுள்ளது!

எம்.திவ்யா, கொளத்தூர்: பக்கத்து வீட்டு பெண்களுடன் எப்போதும் சினேகத்துடன் இருக்க சிறந்த வழி?

அவர்கள், அவ்வப்போது கேட்கும், ஓ.சி.,கள் அனைத்தையும் முகம் சுளிக்காமல் கொடுக்க வேண்டும். அவர்கள் வாங்கிய புதுச்சேலை, பிளவுஸ் ஆகியவற்றை நன்றாக இல்லாவிட்டாலும், 'ஆஹா... ஓஹோ...' என்று புகழ்வதுடன், 'உங்களால் தான் இவ்வளவு, 'சீப்'ஆக அடித்து பேசி வாங்க முடியும் என்று சொல்ல வேண்டும். இப்படி பல பல கயிறு திரிக்க வேண்டும். முடியுமா உங்களால்?

பி.எடிசன், சூலூர்: இளவயது பெண்கள், அவர்களது வயதை உடைய வாலிபர்களை விட்டு, நடுத்தர வயதினரை விரும்ப காரணம் என்ன?

பதினைந்து வயது பெண்ணுக்கு உள்ள அறிவு முதிர்ச்சி, 15 வயது பையனுக்கு இருப்பதில்லை. அது, அவனுக்கு, 18 - 20ல் தான் ஏற்படுகிறது. 15 வயது பெண், 15 வயது பையனை விடலையாகத்தான் நோக்குகிறாள்; அதுதான் உண்மையும் கூட! எனவே, புற அழகு, இளமையை விரும்பாத பெரும்பாலான பெண்கள், நடுத்தர வயதினரை விரும்புவது இயற்கை தானே!

எஸ்.செல்வரசி, குயவர்பாளையம்: காதலித்து, வீட்டை எதிர்த்து கல்யாணம் செய்து கொள்ளலாமா?

காதலிக்கும் ஆசாமியின் மனநிலை, பணநிலையைப் பொறுத்து எடுக்கப்பட வேண்டிய முடிவு!

பொ.தாமரைச்செல்வி, மரக்காணம்: பட்டதாரியான நான், என் வாழ்நாளில் இதுவரை நேர்மையான மனிதர் ஒருவரைக் கூட சந்திக்கவில்லை. அனைவருமே சந்தர்ப்பவாதிகள், சுயநல பேய்கள். உலகமே வெறுத்து விட்டது. எந்த மனிதரையும் பார்க்கவே பிடிக்கவில்லை, மனம் நொந்த நிலையில் இருக்கும் நான் ஆறுதல் அடைய என்ன வழி?

உங்கள், 'ஏஜ் - குரூப்'பில் உள்ள பெண்களில் பெரும்பாலானவர்களுக்கு இதே புலம்பல் தான்! உங்களின் கருத்து ஒரு மாயத் தோற்றம்; வயதுகூடும் போது, திருமணம் முடிந்த பின், இந்த உலகம், இதில் வாழும் மக்கள் எவ்வளவு அன்பானவர்கள் நேசிக்கப்பட வேண்டியவர்கள் என்பதை உணர்ந்து கொள்ளும் பக்குவம் வந்து விடும். சுயபச்சாதாபம் கொள்வதை, இந்தப் பதிலை படித்த உடனே நிறுத்துங்கள்!

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us