தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/அந்துமணி பதில்கள்

அந்துமணி பதில்கள்

அந்துமணி பதில்கள்


PUBLISHED ON : பிப் 26, 2012

Follow on GoogleFavourite on Google

PUBLISHED ON : பிப் 26, 2012


Follow on Google
Latest Tamil News
அ நிறம் | அளவு

*வே.ராஜமாணிக்கம், புல்லரம்பாக்கம்: கேரள மக்கள் பயங்கர குடிகாரர்களாமே...

இந்தியாவிலேயே நம்பர் ஒன் குடிகார மாநிலம், கேரளா என்பது உண்மைதான். இந்தியாவில், மற்ற மாநில மக்கள் ஆண்டுக்கு, 3.1 லிட்டர், 'சரக்கு' தான் சாப்பிடுகின்றனராம்! மலை யாளிகளோ, ஆண்டுக்கு, 8.3 லிட்டர் உ.பா., அடிக்கின்றனர் என்கிறது கேரள, 'சரக்கு' உற்பத்தியாளர்கள் சங்கம்.

***

*வி.ஆறுமுகம், சத்தியமூர்த்தி நகர்: ஷாக் அடிக்க வைத்த செய்தி ஏதும், சமீபத்தில் படித்தீர்களா?

படித்தேனே... அது, இங்கிலாந்து செய்தி! அங்கே, ஒரு நாயை, அதன் ஆயுட்காலம் வரை வளர்த்து, பராமரிக்க ஆகும் செலவு என்ன தெரியுமா? சராசரியாக, 17 லட்ச ரூபாயாம். இங்கே, ஒரு சராசரி மனிதன், தன் ஆயுட்காலம் முழுமைக்கும் கூட, இப்படி சம்பளம் வாங்கி விட முடியுமா?

***

** ஜி.பட்டாபிராமன், அயப்பாக்கம்: இன்றைய குழந்தைகள் அனைத்தும், புத்திசாலிகளாக இருப்பது எதனால்?

எக்ஸ்போஷர் - ஏராளமாக அறிந்து கொள்ள கிடைக்கும் வாய்ப்புகளால்... கம்ப்யூட்டர், இன்டர்நெட், உருப் படியான, 'டிவி' நிகழ்ச்சிகள், பத்திரி கைகள், புத்தகங்கள் என, இரண்டு தலைமுறைக்கு முன் பிறந்தவர்களுக்கும் கிடைக்காத வாய்ப்பு, இப்போதைய பொடிசுகளுக்கு தாராளமாக கிடைக்கிறது... புத்திசாலித்தனம் வளர்கிறது.

***

*எஸ்.சின்னத்தம்பி, காரைக்குடி: திருமணத் திற்குப் பின், நடிகைகள் மட்டும் வாய்ப்புகளை இழக்கின்றனரே... ஏன்?

லட்டு, லட்டாக புது முகங்கள், 'க்யூ'வில் காத்திருக்கின்றனர்... எந்த உடையும் அணிய தயாராக உள்ளனர்... எதைக் காட்டவும் உடன்படுகின்றனர்; அவர்களை விட்டு, திருமணத் தால், ரசிகர்களின் மனதை விட்டு போன நடிகைக்கு வாய்ப் பளிக்க, தயாரிப் பாளரென்ன ஒன்றும் தெரியாத பாப்பாவா?

***

** ஜெ.கல்யாணி, பரங்கிப்பேட்டை: பொய் எங்கே பிறக்கிறது?

அரசியல் மேடைகளிலேயே, பொய் முதலில் பிறக்கிறது! பொதுக் கூட்ட மேடை என்ற பெயரை உடனே மாற்றி, 'புளுகு மேடை' என, பெயர் வைக்க வேண்டும்.

***

*கே.குணா, பெண்ணாடம்: உலகில் மிகவும் கடினமானது, சுலபமானது எது?

ரொம்பவும் எளிதானது, உபதேசம் செய்வது; கடினமானது, செய்த உபதேசத்தை தானும் மதித்து நடப்பது!

***

** ஆர்.அமுதன், கழுகுமலை: ஒரு மனிதன் முன்னேற, தடையாக இருப்பது எது?

முன்னேறுவோமா, மாட்டோமா என்ற சந்தேகம் தான்! சந்தேகப்படும் பழக்கம் உள்ளவர்களால், எந்தக் காலத்திலும் முன்னேற முடியாது!

***

*அ.பாரதி, மயிலம்: படித்தவரிடையே மண முறிவு அதிகமா, பாமரரிடமா?

பாமரர் கோர்ட்டுக்கு போய், விவாகரத்து பெரும்பாலும் பெறு வதில்லை... தாலியை கழற்றி கொடுத்து விட்டு போய் விடுவதால், அவர்கள் பற்றிய ஆதாரப்பூர்வ கணக்கு ஏதும் கிடைப்பதில்லை. படித்தவர் களிடையே, அதுவும், அறிவு ஜீவியாக தம்மை கருதிக் கொள்ளும் வங்காளிகளிடையே, விவாகரத்து அதிகரித்துள்ளது.

***

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us