மதுரையில் 14 ஆண்டு கள்... 40 ஆயிரம் பயனாளி கள்... என சத்தமில்லாமல், சாதனை படைத்து வருகிறது அகில இந்திய வித்தியார்த்தி பரிஷத் மற்றும் இளைய பாரதம் சேவா டிரஸ்ட். வெயில் சுட்டெரித்தாலும், மழை மிரட்டினாலும், இவர்கள் சேவை மட்டும் ஞாயிற்றுக்கிழமை ஆனாலும் தவறுவதே இல்லை.

மதுரை முனிச்சாலை, சீனிவாச பெருமாள் கோவில் சந்தில், உள்ள இவர்களது அலுவலகத் தில், ஞாயிற்றுக்கிழமை தோறும் இலவச மருத்துவ முகாமை நடத்தி வருகின்றனர். ஆண்டுதோறும் கண், காது, மூக்கு, தொண்டை, இதயம், சிறுநீரகம் என, மதுரையின் பிரபல மருத்துவர்களை கொண்டு சிறப்பு முகாம்களையும் நடத்த தவறுவதில்லை.

இதற்கெல்லாம் விதையாக வித்திட்டவர், மதுரைக் கல்லூரி பேராசிரியர் கே.ஆர். பரமசிவம். ஏ.பி.வி.பி., மாநில தலைவராக இருந்த இவர், 1998ல் படுகொலை செய்யப்பட்டார். பிரம்மசாரியான இவர், ஏழைகளுக்கு சேவை செய்வதை உயிர்மூச்சாக கொண்டிருந்தவர். அதனால்தான், அவர்களது மனதில் வாழ்கிறார். சின்ன சேவை செய்தால்கூட, விளம்பரம் தேடும் இக்காலத்தில், எப்படி சத்த மில்லாமல் 14 ஆண்டு களாக இந்த சாதனையை செய்து, 15வது ஆண்டில் அடி எடுத்து வைக்க முடிந்தது?

ஏ.பி.வி.பி., ஒருங்கிணைப் பாளர் நரசிங்கபெருமாள், இளைய பாரதம் ஒருங்கிணைப் பாளர் குமரேஷ், இது பற்றி கூறுகின்றனர்:

இதுவரை குழந்தைகளில் இருந்து முதியோர் வரை, உச்சி முதல் பாதம் வரை என, 607 முகாம்களை நடத்தியுள்ளோம். சர்க்கரை, இ.சி.ஜி., ரத்த அழுத்தம் என, மருத்துவ பரிசோதனை செய்துவிட்டு, மருந்து கொடுப் பதுடன் எங்கள் பணி முடிவதில்லை. வாரந்தோறும் சம்பந்தப் பட்டோரை வரவழைத்து, ஏற்கனவே அவர்களுக்கு அளிக்கப்பட்ட மருத்துவ சிகிச்சைகள், பரிசோதனை களை ஆய்வு செய்து, தொடர்ந்து மருந்து, மாத்திரை வழங்கி வருகிறோம்.

இதன்மூலம் நோயாளியை எங்கள் கவனிப்பிலேயே வைத்திருக்கிறோம். மருந்து, மாத்திரை வழங்க ஒரு ரூபாய்கூட வாங்குவதில்லை. எல்லாமே நல்ல உள்ளங்கள் வழங்கும் நிதியுதவியால் சாத்தியமாகிறது. இச்சேவைக்கு உதவினால், வருமான வரி விலக்கும் உண்டு.

எங்களது இந்த சேவை தொடருவதற்கு தொண்டர்கள், தன்னார்வ இளைஞர்களின் தன்னலமற்ற உள்ளமே காரணம். அடுத்து எங்கள் சேவையை, மற்ற பகுதிகளிலும் பரவலாக்கும் முயற்சியில் ஈடுபட்டுள்ளோம்.''

இவர்களை 98421 89404ல் வாழ்த்துவோம்.

***

கே. ராம்குமார்