தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/கவிதைச்சோலை!

கவிதைச்சோலை!

கவிதைச்சோலை!


PUBLISHED ON : ஆக 11, 2013

Follow on GoogleFavourite on Google

PUBLISHED ON : ஆக 11, 2013


Follow on Google
Latest Tamil News
அ நிறம் | அளவு

சுதந்திர சிறகுகள்

* நம் சிறகுகள்

பிறர் பறப்பதற்கா?

நம் சுதந்திரம்

பிறர் ஆள்வதற்கா?

* இளைஞர்களே...

சிந்தனைச் சிறகுகள்

காதல் சிறையிலே

பூட்டிடவோ!

* சிறுவர்களே...

வசந்தச் சிறகுகள்

திரை அரங்கிலே

தொலைத்திடவோ!

* தாய்மார்களே...

கூர்மதி சிறகுகள்

சின்னத் திரைச் சீரியலிலே

சிதைத்திடவோ!

* வாக்காளர்களே...

வாக்குச் சிறகுகள்

அரசியல்வாதியிடம்

வாடகைக்கு விட்டிடவோ!

* பாட்டாளி தோழரே...

உழைப்பு சிறகுகள்

பண முதலையிடம்

அடகு வைத்திடவோ!

* பட்டதாரிகளே...

திறமைச் சிறகுகள்

பன்னாட்டு திமிங்கலத்திடம்

பறிகொடுத்திடவோ!

* இன்னும் இன்னும்

உதிர்ந்திட்ட

நம் சிறகுகளோ

ஏராளம் ஏராளம்!

* இனியாவது...

பெற்ற சுதந்திரத்திற்கான இனிப்போடு

பெற வேண்டிய சுதந்திரத்திற்கான

கண்ணீரையும் பிரசவிப்போம்!

* உயரட்டும்

தேசியக் கொடியோடு

நமது சிறகுகளும்

சுதந்திரமாய்!

— பெ.பாண்டு, சிவகாசி.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us