வேறென்ன இருக்கப் போகிறது?

* மூடநம்பிக்கையை கைவிடுங்கள் என்றால்

கலாசாரத்தை எப்படி

கைவிட முடியும் என்பீர்கள்!

* பேராசையை குறையுங்கள் என்றால்

வசதியாய் வாழ்வதில்

தவறென்ன என்பீர்கள்!

* குறுக்கு வழியில் செல்லாதீர்கள் என்றால்

வாய்ப்பை பயன்படுத்தினால் தானே

வளமை வரும் என்பீர்கள்!

* ஏமாற்றி பிழைக்காதீர்கள் என்றால்

அது ஏமாளிகளின்

தவறு தானே என்பீர்கள்!

* பிறர் பொருளுக்கு

ஆசைப்படாதீர்கள் என்றால்

வலியவன் தானே வாழ முடியும் என்பீர்கள்!

* பொய் புரட்டு செய்யாதீர்கள் என்றால்

எல்லாரும் நல்லவரா என்று

எதிர்கேள்வி கேட்பீர்கள்!

* இத்தனைக்கும் பிறகும்

பிறரிடம் நீங்கள்

காட்டுவதாக சொல்லிக் கொள்ளும்

மனிதாபிமானத்தில்

உங்கள் சுய அபிமானத்தை தவிர

வேறென்ன இருக்கப் போகிறது!

— கீர்த்தி, கொளத்தூர்