'நான்' எங்கே?

* அழியா உறவும் நீ

அழியும் உடலும் நீ...

* பிரியா காதலும் நீ

பிரியும் உயிரும் நீ...

* தணியா காமமும் நீ

தணியும் மோகமும் நீ...

* பேசிய வார்த்தை நீ

பேசாத மவுனமும் நீ...

* இமைக்கா நேரம் நீ

இமை மூடும் இரவும் நீ...

* ஆனந்தத்தின் உச்சம் நீ

அழ வைக்கும் அச்சமும் நீ...

* நிகழ்கால உண்மை நீ எதிர்கால பொய்யும் நீ...

* வாழ்வின் கணமும் நீ

முடிவில் மரணமும் நீ...

* இப்படி —

எல்லாம், 'நீ'யான பின்

'நான்' எங்கே... நீயே சொல்!

— கே.விஜயகுமார், கோவை.