PUBLISHED ON : ஏப் 10, 2011

அ நிறம் | அளவு
வீரிய வித்து!
* ஒரு மணி நேரத்திற்கு
விலை பேசினால்
- விலை மகள்!
* ஆயுளுக்கும் விலை பேசினான்
- கணவன்!
* பத்து நிமிடம் உடலை
சுமப்பவளுக்கு கொடுக்கும்
அங்கீகாரத்தை கூட,
பத்து மாதம்
தன் விந்தை
சுமப்பவளுக்கு கொடுப்பதில்லை
இந்த அசிங்கம் பிடித்த சமூகம்!
* பதினாறில்
பெற்றவர்களின் சொல்லில்
சிறையாகி...
* இருபதில்
மூன்று முடிச்சில் சுயம் தொலைத்து...
* அறுபதில்
தன் தொப்புள் கொடியே
பாரமாய் நினைக்கையில்...
* மரமாய்...
மரம்
பூப்பதுண்டு...
சூடிக் கொண்டதில்லை!
* மரம்
காய்ப்பதுண்டு...
புசிப்பதில்லை!
* அதனால்,
சில மரங்கள்
முதியோர் இல்லங்களில்!
* வீட்டிற்கு ஒரு மரம்
வளருங்கள்...
ஆனால்,
பெண்களை மட்டும்
மரமாய் வேண்டாம்!
* அடுத்த தலைமுறையின்
வீரிய மிகு வித்து...
அவள்
மறக்கிறீர்களே!
— எஸ்.குமார், சென்னை.
