தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/இணைப்பு மலர்/வாரமலர்/மாலை சூட்டி மகிழ்வாயா ? - கவிதைச்சோலை

மாலை சூட்டி மகிழ்வாயா ? - கவிதைச்சோலை

மாலை சூட்டி மகிழ்வாயா ? - கவிதைச்சோலை


PUBLISHED ON : அக் 17, 2010

Follow on GoogleFavourite on Google

PUBLISHED ON : அக் 17, 2010


Follow on Google
Latest Tamil News
அ நிறம் | அளவு

* ஏதும் அறியா

பெண் மனதில்

எத்தனை மாற்றம்

நீ செய்தாய்?

என்ன என்றே

இனம் புரியாத

இன்பம் எழ நீ

எது செய்தாய்?

*பார்வையில் கூட

வாளின் கூர்மை

பதத்தைக் காட்டி

வதை செய்தாய்!

பையப் பைய

பக்கம் நெருங்கி

பாசத்தாலே

சிறை செய்தாய்!

*உன்னைச் சுற்றித்

தொடரும் வண்ணம்

எந்தன் மனதை

நீ கொய்தாய்!

உன்னைத் தவிர

ஒன்றும் நினையா

வண்ணம் அன்பு

மழை பெய்தாய்!

*காலம் முழுதும்

காதல் செய்தே

காலங் கடத்தி

விடுவாயோ?

கண்ணா எந்தன்

கவுரவம் காக்க

கழுத்தில் மாலை

இடுவாயோ?

*உனக்கே சொந்தம்

என்னும் உண்மை

உணர்த்த ஓடி

வருவாயோ? - உன்

நிழலாய் தொடரும்

எந்தன் கழுத்தில்

மாலை சூட்டி

மகிழ்வாயோ?

— வி.தேவகி,  நெல்லை. 

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us