இது தொடர்பாக, மூன்று பேர் கைது செய்யப்பட்டனர்.

இந்நிலையில், இதே மாவட்டத்தில் உள்ள காவிரி வனவிலங்கு சரணாலயத்தில், வனத்துறை ஊழியர்கள், கடந்த 11ம் தேதி ரோந்து பணியில் ஈடுபட்டிருந்தனர்.

ஹொலேமுரதட்டி அருகில், ஒரு ஆண் புலி குட்டி இறந்து கிடந்தது. மறுநாள் காலை அதே பகுதியில் பெண் புலி குட்டி இறந்து கிடந்தது.

இது குறித்து, உயர் அதிகாரிகளுக்கு தகவல் தெரிவித்தனர். பிரேத பரிசோதனையில், பிறந்து 10 நாட்களே ஆன குட்டிகளை, தாய் புலி தவிக்க விட்டு சென்றுள்ளது. இதனால் உணவு, தண்ணீரின்றி பசியால் குட்டிகள் உயிரிழந்துள்ளன.

இதன் உடலில் வேறு காயங்கள் எதுவும் இல்லை என்பது உறுதி செய்யப்பட்டது.

ஏற்கனவே, ஐந்து புலிகள் விஷம் வைத்து கொல்லப்பட்ட அதிர்ச்சி மறைவதற்குள், பசியால் இரு புலி குட்டிகள் இறந்தது, விலங்குகள் ஆர்வலர்களை வேதனையில் தள்ளியுள்ளது.