கர்நாடகா உயர் நீதிமன்றத்தில் மொத்தம் 62 நீதிபதி பதவிகள் உள்ளன. இதில், தற்போது, 54 நீதிபதிகள் உள்ளனர்.

இந்நிலையில், உச்ச நீதிமன்ற கொலீஜியம், கர்நாடக உயர் நீதிமன்றத்திற்கு, மைசூரு முதன்மை மாவட்ட அமர்வு நீதிமன்ற நீதிபதி உஷாராணி, பெங்களூரு முதன்மை நகர உரிமையியல் அமர்வு நீதிமன்ற நீதிபதி பரத்குமார், சட்டத்துறை முதன்மை செயலர் பவானி ஆகிய மூவரை, கூடுதல் நீதிபதிகளாக நியமிக்க பரிந்துரை செய்தது.

மத்திய அரசு நேற்று வெளியிட்டுள்ள அறிக்கையில், ஜனாதிபதி திரவுபதி முர்மு கையொப்பமிட்டு உள்ளார்.