கோலார் சொக்க ஹொசஹள்ளியை சேர்ந்தவர்கள் வெங்கடேசப்பா, 70, சதீஷ்குமார், 34, மீனாட்சி, 32, பர்னித் கவுடா, 5, ரித்விக், 4, ஆகியோர் காரில் பெலகாவிக்கு சென்று கொண்டிருந்தனர்.

ஆந்திராவின் கர்னுால் மாவட்டம், எமிகேனுார் என்ற இடத்தில் சென்றபோது, எதிரே வந்த ஒரு கார், இவர்கள் கார் மீது மோதியது. இதில் கோலார் காரில் இருந்த ஐந்து பேரும் சம்பவ இடத்திலேயே உயிர் இழந்தனர்.

கோலார் கார் ஓட்டுனர் சேத்தன் உட்பட இருவர்; ஆந்திராவின் கடப்பாவைச் சேர்ந்த மூன்று பேர் என, ஐந்து பேர் காயம் அடைந்தனர். இவர்கள் மருத்துவமனையில் சேர்க்கப்பட்டுள்ளனர்.