கர்நாடகாவில் அரசு பள்ளிகளில் உட்கட்டமைப்பு வசதிகளை மேம்படுத்துவதில் மாநில அரசு ஆர்வம் காட்டி வருகிறது. அவ்வகையில், மாணவர்களுக்கு ஏ.ஐ., எனும் செயற்கை நுண்ணறிவு திறன் அடிப்படையிலான வருகை பதிவேட்டை அறிமுகம் செய்ய திட்டமிடப்பட்டது.

இதற்கு 5 கோடி ரூபாய் பட்ஜெட்டில் ஒதுக்கப்பட்டது. தற்போது, இத்திட்டதை செயல்படுத்த நடவடிக்கை எடுக்கப்பட உள்ளது. இதற்காக, 2.83 கோடி ரூபாயை விடுவிக்க மாநில அரசு ஒப்புதல் அளித்து உள்ளது. தரமான கருவிகளை வாங்கும் பொறுப்பு பள்ளி கல்வி கமிஷனரிடம் ஒப்படைக்கப்பட்டு உள்ளது.