செய்முறை  ஒரு வாணலியில் இரண்டு டீஸ்பூன் நெய் ஊற்றவும். நெய் கொஞ்சம் சூடேறியதும,் வெட்டி வைத்து உள்ள இரண்டு செவ்வாழை பழங்களை சேர்க்கவும்.

 நெய், செவ்வாழை இரண்டும் நன்கு வதங்கி வரும்போது, ஒரு கப் ரவையை உடன் சேர்க்கவும்.

 ஐந்து நிமிடத்துக்கு நன்கு வதங்கிய பின், தேங்காய் துருவலை சேர்த்து, நன்றாக கலக்க வேண்டும்.

 இதனுடன் ஒரு கப் பால் சேர்த்து, ரவையை நன்கு வேக வைக்கவும். பின், ஒரு கப் சர்க்கரை, சிறிதளவு ஏலக்காய் துாள் சேர்த்து கொள்ள வேண்டும்.

 இந்த கலவையை மிதமான சூட்டில், ஐந்து நிமிடம் வைக்கவும்.

 கை தாங்கும் சூடு இருக்கும்போது, சிறிய சிறிய உருண்டைகளாக உருட்டி கொள்ளவும்.

 பின், வாணலியில் சிறிதளவு நெய் ஊற்றி, உருட்டி வைத்துள்ள உருண்டைகளை உடன் சேர்த்து கொள்ளவும்.

 உருண்டைகள் அனைத்தும் பொன்னிறமாகும் வரை அடுப்பை மிதமான தீயில் வைத்து, லேசாக பொறித்து எடுத்தால் போதும். சுவையான வாழைப்பழ உருண்டை ரெடி.

 இனிப்பு, சுவைக்கு ஏலக்காய் துாள் சேர்த்துள்ளதால், குழந்தைகள் விரும்பி சாப்பிடுவர். செவ்வாழை, பால், நெய்யில் உள்ள ஊட்டச்சத்துகள் அனைத்தும் உடலுக்கு வலிமையை கொடுக்கும்

- நமது நிருபர் -