ADDED : மார் 28, 2026 04:26 AM
வருவாய் 2026 - 27 நிதியாண்டில், 1,500 கோடி ரூபாய் வருமானம் ஈட்ட இலக்கு நிர்ணயிக்கப்பட்டு உள்ளது. இலக்கை அடைவதற்காக வரி உயர்த்தப்படாது.
இதுவரை, நகரில் 1.30 லட்சம் சொத்துகளுக்கு இ - பட்டா வழங்கப்பட்டு உள்ளன. மீதமுள்ள 3.20 லட்சம் சொத்துகளுக்கு இ - பட்டாக்கள் வழங்க இலக்கு நிர்ணயிக்கப்பட்டு உள்ளது.
அனைத்து சொத்துக்களும் இ - பட்டாக்களாக மாற்றப்படும். மக்கள், இ - பட்டாவுடன் ஆதார் எண்ணை இணைப்பது கட்டாயமாகும்.
சொத்து வரியில் மேற்கொள்ளப்படும் திருத்தங்கள் மூலம் ஆண்டுதோறும் கூடுதலாக 150 கோடி ரூபாய் வருவாய் ஈட்டப்படும். வரி செலுத்த தவறியவர்களை கண்டறிய செயற்கை நுண்ணறிவு பயன்படுத்தப்படும்.
பி - பட்டாவிலிருந்து, ஏ - பட்டா மாற்றிக்கொள்வதற்கு சிறப்பு பிரசாரம் கடந்த ஆண்டு முதலே நடக்கிறது. இதன் மூலம் கூடுதலாக 225 கோடி ரூபாய் வருவாய் ஈட்டப்படும்.
------------------------விளம்பரம் பெங்களூரு கிழக்கு மாநகராட்சி பகுதியில் விளம்பரம் செய்ய அனுமதி வழங்கப்பட்டு உள்ளது. விளம்பரங்கள் செய்வதற்கு தகுதியான இடங்களை அடையாளம் காணும் பணி நடக்கிறது.
பஸ் நிறுத்தங்களில் விளம்பரங்கள் செய்ய அனுமதி உண்டு. இதன் மூலம், ஆண்டுக்கு 5 கோடி ரூபாய் வருவாய் கிடைக்கும்.
'ஸ்கை வாக்' எனும் நடைமட்ட மேம்பாலங்கள், சுரங்கப்பாதைகளில் விளம்பரம் செய்ய அனுமதி உண்டு. இதன் மூலம், 68 கோடி ரூபாய் வருமானம் கிடைக்கும்.
விளம்பர நிறுவனங்களுக்கு உரிமம் வழங்குவதன் மூலம் 10 கோடி ரூபாய் வருமானம் ஈட்ட முடிவு செய்யப்பட்டு உள்ளது.
தனியார் நிறுவனங்கள் நகரில் ஏற்கனவே வைத்துள்ள தங்கள் விளம்பர போர்டுகளை மூன்று மாதங்களுக்கு ஒரு முறை மாற்றிக் கொள்ளலாம். இதன் மூலம், 20 கோடி ரூபாய் வருமானம் கிடைக்கும்.
