கர்நாடக மேல்சபையில் எம்.எல்.சி.,க்களாக இருக்கும், பா.ஜ.,வின் வடகிழக்கு ஆசிரியர் தொகுதியின் சஷில் நமோஜி, மேற்கு பட்டதாரி தொகுதி எஸ்.வி.சங்கனுார், தென்கிழக்கு பட்டதாரி தொகுதி சிதானந்த் கவுடா ஆகியோரின் பதவி காலம், நவம்பர் 9ம் தேதியுடன் நிறைவு பெறுகிறது. புதிய எம்.எல்.சி.,க்களை தேர்வு செய்ய, நவம்பரில் தேர்தல் நடக்க உள்ளது.

வடகிழக்கு ஆசிரியர் தொகுதிக்கு சரணப்பா மத்துார், மேற்கு பட்டதாரி தொகுதிக்கு மோகன் லிம்பிகே, தென்கிழக்கு பட்டதாரி தொகுதிக்கு சசி ஹுலிகுண்டேமத் ஆகியோரை வேட்பாளர்களாக, கடந்த ஆண்டு டிசம்பரில் காங்கிரஸ் அறிவித்தது.

இந்நிலையில் பா.ஜ.,வும் நேற்று தனது வேட்பாளர்களை அறிவித்தது. வடகிழக்கு ஆசிரியர் தொகுதியில் சஷில் நமோஜி, மேற்கு பட்டதாரி தொகுதியில் எஸ்.வி.சங்கனுார் மீண்டும் போட்டியிடுகின்றனர். தென்கிழக்கு பட்டதாரி தொகுதிக்கு சிதானந்த் கவுடாவுக்கு பதிலாக, கே.எம்.சுரேஷ் வேட்பாளராக அறிவிக்கப்பட்டு உள்ளார்.