இவரின் பேச்சை கண்டித்து புத்துாரை சேர்ந்த ஈஸ்வரி பத்முன்ஜா, புத்துார் ரூரல் போலீசில் புகார் செய்து உள்ளார். இதையடுத்து கல்லட்கா பிரபாகர் பட் மீது போலீசார் வழக்கு பதிவு செய்தனர்.

இதற்கிடையில், கிராம அபிவிருத்தி பஞ்சாயத்துராஜ் துறை அமைச்சர் பிரியங்க் கார்கே நேற்று அளித்த பேட்டி:

நீதிமன்றம் உத்தரவிட்டால் சித்தாபூரில் நவ., 2ல் ஆர்.எஸ்.எஸ்., ஊர்வலம் நடத்தலாம். சட்டத்தை விட உயர்ந்தவர்கள் யாரும் இல்லை. கல்லட்கா பிரபாகர், சட்டத்தை விட உயர்ந்தவரா?

ஆர்.எஸ்.எஸ்., கூட்டத்தில் பேசுவது போன்று பொது இடங்களில் பேசக்கூடாது.

நவ., 2ல் ஊர்வலம் நடத்த 11 அமைப்புகள் அனுமதி கேட்டு உள்ளன. இது தொடர்பாக அதிகாரிகள், அந்த அமைப்பினர்களுடன் ஆலோசனை நடத்துவர். கூட்டத்தில் எடுக்கப்பட்ட முடிவுகள் குறித்து, நீதிமன்றத்தில் அறிக்கை சமர்ப்பிப்பர். அனைவருக்கும் அனுமதி கொடுப்பது என்பது இயலாது.

இவ்வாறு அவர் கூறினார்.