பெங்களூரு, கொட்டிகெரேவின், வீவர்ஸ் காலனியின் 10வது கிராசில் உள்ள அடுக்குமாடி குடியிருப்பில் வசிப்பவர் விநோத், 35. இவரது மனைவி காவ்யா, 30. தம்பதிக்கு வேஹாந்த், 3 என்ற ஆண் குழந்தை இருந்தது. இவர்கள் 2வது மாடியில் வசிக்கின்றனர்.

நேற்று முன்தினம் மாலை 6:00 மணியளவில் விளையாடிக் கொண்டிருந்தபோது, மாடியில் இருந்து குழந்தை வேஹாந்த் தவறி கீழே விழுந்தது. தலையில் பலத்த காயமடைந்த குழந்தை, உடனடியாக மருத்துவமனையில் சேர்க்கப்பட்டது. ஆனால் சிகிச்சை பலனின்றி, நேற்று காலை உயிரிழந்தது.

கோனனகுண்டே போலீசார் வழக்குப் பதிவு செய்து விசாரணை நடத்துகின்றனர்.