மேகா ஷெட்டிக்கு

அடுத்தடுத்து வாய்ப்பு

நடிகர் வினய் ராஜ்குமார் மற்றும் நடிகை மேகா ஷெட்டி நடிக்கும், 'கிராமயணா' திரைப்படத்தின் ஒரு பாடல், லஹரி மியூசிக் சேனலில் நேற்று முன்தினம் வெளியிடப்பட்டது. இது, சிவராஜ்குமார், சுதாராணி நடித்திருந்த, 'மன மெச்சித ஹுடுகி' திரைப்படத்தில் இடம் பெற்றிருந்த பாடலின் ரீ மேக்காகும். இப்பாடலை கபில் கபிலன், ஐரா உடுபா பாடியுள்ளனர். பூர்ண சந்திர தேஜஸ்வி இசை அமைத்துள்ளார். சின்னத்திரை தொடர் மூலமாக, பிரபலடைந்த மேகா ஷெட்டி, அடுத்தடுத்த படங்களில் நடிக்கிறார். தற்போது இவரது நடிப்பில், 'கைவா, ஆப்பரேஷன் லண்டன் கபே' போன்ற படங்கள், திரைக்கு வர தயார் நிலையில் உள்ளன. 'கிராமாயணா' விலும் நாயகியாக நடித்துள்ளார்.