தாவணகெரே நகரில் வசிக்கும், 16 வயது சிறுமியை, அதே பகுதியில் வசிக்கும் கார்த்திக், 22, என்பவர் காதலிப்பதாக நம்ப வைத்து, அவரது மனதை கரைத்தார். கடந்த 2022ன் பிப்ரவரி 3ம் தேதி, சிறுமி காணாமல் போனார். மகளை காணாமல் தேடிய பெற்றோர், தாவணகெரே போலீஸ் நிலையத்தில் புகார் அளித்தனர்.

போலீசார் விசாரித்த போது, சிறுமியை கார்த்திக் திருமணம் செய்வதாக கூறி, பெங்களூருக்கு அழைத்து சென்றதும், அங்கு கோவிலில் திருமணம் செய்து கொண்டதும் தெரிந்தது.

சிறுமியை விசாரித்த போது, தன்னை கார்த்திக் மிரட்டி பாலியல் பலாத்காரம் செய்ததை விவரித்தார். அதன்பின் கார்த்திக்கை போ லீசார் கைது செய்தனர். சிறுமியை பெற்றோரிடம் ஒப்படைத்தனர்.

விசாரணை முடிந்து, தாவணகெரே கூடுதல் மாவட்ட செஷன்ஸ் நீதிமன்றத்தில் நடந்த விசாரணையில் கார்த்திக்கின் குற்றம் உறுதியானது. அவருக்கு 20 ஆண்டுகள் கடுங்காவல் சிறை தண்டனையும், 40,000 ரூபாய் அபராதமும் விதித்து, நீதிபதி ஸ்ரீராமநாராயணா ஹெக்டே, நேற்று தீர்ப்பளித்தார்.