கர்நாடகாவில் உள்ள பல்வேறு கோவில்களுக்கும் சிலரால் செல்ல முடிவதில்லை. இத்தகையோரின் ஏக்கத்தை போக்க, ஹிந்து அறநிலைய துறை புதிய திட்டத்தை அறிமுகம் செய்துள்ளது.

அறநிலைய துறைக்கு உட்பட்ட பெங்களூரு ஹலசூரு ஸ்ரீ சோமேஸ்வரர் கோவில்; பெங்களூரு ஜெயநகர் ஸ்ரீ விநாயகர் கோவில்; பெங்களூரு கவிபுரம் ஸ்ரீ கவிகங்காதரேஸ்வரர் கோவில்; மைசூரு நஞ்சன்கூடு ஸ்ரீ கண்டேஸ்வரர் கோவில்; கோலார் ஸ்ரீ பிரசன்ன வெங்கடரமண சுவாமி கோவில்; மாண்டியா செலுவராயன சுவாமி கோவில்; உடுப்பி கொல்லுார் ஸ்ரீ மூகாம்பிகை கோவில்.

பீதர் ஷேத்திர ஜாரணி நரசிம்மர் கோவில்; பெலகாவி ஸ்ரீ ரேணுகா எல்லம்மா கோவில்; தட்சிண கன்னடா ஸ்ரீ குக்கே சுப்பிரமணியர் கோவில்; பல்லாரியின் ஸ்ரீ கனக துர்கம்மா கோவில்; விஜயநகராவின் ஸ்ரீ மைலாரலிங்கேஸ்வரா கோவில்; கொப்பாலின் ஸ்ரீ ஹுலிகம்மா கோவில்; கலபுரகியின் ஸ்ரீ குருதத்தாத்ரேயர் கோவில்களின் பிரசாதம் பெற ஆன்லைனில் பதிவு செய்ய வேண்டும்.

பதிவு செய்பவர்களின் வீடு தேடி, பிரசாதம் வழங்க, சி.எஸ்.சி., இ - கவர்னன்ஸ் சர்வீஸ் இந்தியா நிறுவனத்துடன் ஒப்பந்தம் செய்யப்பட்டுள்ளது. இந்த பிரசாத பாக்கெட்டில் கற்கண்டு, பாதாம், முந்திரி, திராட்சை, விபூதி, குங்குமம், வெற்றிலை, பூக்கள், துளசி இருக்கும்.