இவர் நேற்று முன்தினம் காலை, போனில் பேசியபடி வீட்டில் இருந்து வெளியே சென்றவர், மீண்டும் திரும்பவில்லை. மகளை காணாமல் தாயார் தேடினார். இந்நிலையில் ராமகட்டா மற்றும் கெங்குன்டே கிராமங்களின் இடையில் உள்ள வயலில், அவர் கொலையாகி கிடந்தார். தலையில் பாறாங்கல் போட்டு கொலை செய்யப்பட்டிருந்தார்.

இதை கண்ட சிலர் போலீசாருக்கு தகவல் தெரிவித்தனர். அங்கு வந்த போலீசார், ஆஷாவின் உடலை மீட்டு விசாரணையை துவக்கினர். முதற்கட்ட விசாரணையில், அவர் பாலியல் பலாத்காரம் செய்யப்பட்டதாக, போலீசார் சந்தேக்கின்றனர்.

ஆஷாவுக்கும், கொடகவள்ளிஹட்டி கிராமத்தின் அனிலாசஸ், 30, என்பவருக்கும் நட்பு இருந்ததாக கூறப்படுகிறது. இவர் ஆஷாவிடம் 56,000 ரூபாய் கடன் பெற்றிருந்தார். நீண்ட நாட்களாகியும் அதை திருப்பி தராமல் இழுத்தடித்தார். இதே விஷயமாக இருவருக்கும், பல முறை வாக்குவாதம் நடந்துள்ளது.

கடனை திருப்பி தருவதாக கூறி, கெங்குன்டே வனப்பகுதிக்கு ஆஷாவை வரவழைத்து பாலியல் பலாத்காரம் செய்து, தலையில் கல்லை போட்டு கொலை செய்திருக்கலாம் என, போலீசார் சந்தேகிக்கின்றனர்.

எனவே அனிலாசசை தீவிரமாக விசாரிக்கின்றனர். இந்த சம்பவம் கிராமத்தில் பதற்றத்தை ஏற்படுத்தியுள்ளது. கொலையாளியை கடுமையாக தண்டிக்கும்படி வலியுறுத்தி உள்ளனர்.