 கன்னட திரையுலகில், நுாற்றுக்கணக்கான படங்களில் ரசிகர்களை வயிறு குலுங்க சிரிக்க வைத்த நடிகர் உமேஷ், 80, புற்று நோயால் அவதிப்பட்டார். சிகிச்சை பலனின்றி அவர் இறந்தார்.

 கன்னடத்தில் பல திரைப்படங்களில், வில்லன் கதாபாத்திரத்தில் மிரட்டியவர் நடிகர் ஹரிஷ் ராய், 55. இவர் தைராய்டு புற்று நோயால் அவதிப்பட்டு உயிரிழந்தார்.

 பல்வேறு திரைப்படங்களில் நகைச்சுவை நடிகராக நடித்தவர் ராஜு காளிகோட்டே, 62. இவர், 'பிக்பாஸ்' ரியாலிட்டி ஷோவில் பங்கேற்றவர். படப்பிடிப்பில் இருந்த போது, மாரடைப்பால் இறந்தார்.

 கன்னட சின்னத்திரை தொடர்கள், நாடகங்களை இயக்கியவர் யஷ்வந்த் சரதேஷ்பாண்டே, 61. இவர் மாரடைப்பு ஏற்பட்டு உயிரிழந்தார்.

 தன் நகைச்சுவை நடிப்பால், லட்சக்கணக்கான ரசிகர்களை ஈர்த்தவர் பேங்க் ஜனார்த்தன், 76. இவர் பல காலமாக நோயால் அவதிப்பட்டு காலமானார்.

 கன்னடத்தில் சூப்பர்ஹிட்டான, 'திதி' திரைப்படம் மூலம், திரையுலகில் அறிமுகமானவர் சன்னேகவுடா, 89. அடுத்தடுத்த படங்களில் நடித்த இவர், உடல் நிலை பாதிப்பால் இறந்தார்.

 கன்னட திரையுலகில் நடிகரும், ஆர்ட் டைரக்டராக இருந்தவரான தினேஷ் மங்களூரு, 55, 'பிரைன் ஸ்ட்ரோக்' பாதிக்கப்பட்டு காலமானார். இவர் பல திரைப்படங்களில், நகைச்சுவை கதாபாத்திரங்களில் நடித்தவர்.

 கன்னடத்தில் பல ஹிட் படங்களில் நடித்த சந்தோஷ் பால்ராஜ், 38. மஞ்சள் காமாலையால் மருத்துவமனையில் சேர்க்கப்பட்டு, சிகிச்சை பலனின்றி உயிரிழந்தார்.

 கடந்த, 40 ஆண்டுகளாக, கன்னட திரைப்படங்கள், டி.வி., தொடர்களில் நடித்தவர் சரிகமா விஜி, 77. இவர் 250 படங்களில் குணச்சித்திரம் மற்றும் நகைச்சுவை நடிகராக நடித்துள்ளார். உடல் நிலை பாதிப்பால் காலமானார்.

 பெங் களூரின் கெங்கேரியில் உள்ள பி.ஜி.,யில் வசித்த, சின்னத்திரை நடிகை நந்தினி, 26, கடந்த 27 ம் தேதி துாக்கிட்டு தற்கொலை செய்து கொண்டார்.