பெங்களூரு, எலச்சனஹள்ளியில் எலக்ட்ரிக் ஸ்கூட்டர்களை சார்ஜிங் செய்யும் மையம் உள்ளது. நேற்று முன்தினம் இரவு சார்ஜிங் செய்வதற்காக இந்த மையத்திற்கு 25 க்கும் மேற்பட்ட எலக்ட்ரிக் ஸ்கூட்டர்கள் வந்தன.

நேற்று காலை 7:00 மணியளவில், சார்ஜிங் மையத்தில் திடீரென தீ விபத்து ஏற்பட்டது. தீ மளமளவென வேகமாக பரவி, ஸ்கூட்டர்கள் மீது பிடித்து எரிந்தது.

தகவல் அறிந்த குமாரசாமி லே - அவுட் போலீசார், தீயணைப்பு படையினர் சம்பவ இடத்திற்கு சென்றனர். ஸ்கூட்டர்களில் பிடித்த தீயை அணைத்தனர். ஆனாலும், 19 ஸ்கூட்டர்கள் எரிந்து சேதம் அடைந்தன.

தீ விபத்துக்கான காரணம் உடனடியாக தெரியவில்லை. மின்கசிவா வேறு எதுவும் காரணமா என விசாரணை நடக்கிறது.