தங்கவயலில் பிரசித்தி பெற்ற பிரசன்ன லட்சுமி வெங்கடரமண சுவாமி கோவிலில், 91 ம் ஆண்டு பிரம்மோத்சவம், பிப்ரவரி 25ம் தேதி துவங்கியது.

இதன் முத்தாய்ப்பாக முதலியார் சங்கத்தின் புஷ்ப பல்லக்கு நாளை நடக்கிறது. காலை, 8:30 மணி முதலே அபிஷேகம், அலங்காரம், ஆராதனைகள், பிரசாத வினியோகம், மதியம் அன்னதானம், மாலையில் கலை நிகழ்ச்சிகள், பக்தி இசை, இன்னிசை கச்சேரிகள் நடத்தப்படுகின்றன.

இரவு 10:30 மணிக்கு மல்லிகை, முல்லை, செவ்வந்தி, ரோஜா, தாமரை என, பல வகையான மலர்களால் அலங்கரிக்கப்பட்ட புஷ்ப பல்லக்கு நகர்வலம் வருகிறது.

திருவிழாவை முன்னிட்டு கர்நாடக அரசு போக்குவரத்து கழகம், விடிய விடிய பஸ்களை இயக்குகிறது. வழி நெடுகிலும் குடிநீர் வசதி செய்யப்பட்டுள்ளது; போலீஸ் பாதுகாப்பும் போடப்பட்டுள்ளது. பல இடங்களில், 'சிசிடிவி' கேமராக்கள் பொருத்தப்பட்டு உள்ளன.