உச்ச நீதிமன்றத்தில் நேற்று முன்தினம் தலைமை நீதிபதி பி.ஆர்.கவாய் மீது வக்கீல் உடையில் இருந்த ஒருவர், காலணியை வீசினார். இந்த சம்பவம் குறித்து தன், 'எக்ஸ்' பக்கத்தில் கர்நாடக தகவல் தொழில்நுட்ப அமைச்சர் பிரியங்க் கார்கே பதிவிட்டுள்ளதாவது:

தலைமை நீதிபதி மீது காலணியை வீச முயன்ற சம்பவம் காலை 11:30 மணிக்கு நடந்தது. ஆனால், பிரதமர் மோடி இரவு 8:29 மணிக்கு கண்டனம் தெரிவித்துள்ளார். பிரதமர் கோபப்படுவதற்கு 9 மணி நேரம் தேவைப்படுகிறது. இதுவே கிரிக்கெட் போட்டியாக இருந்தால், அவர் நொடிப்பொழுதில் கருத்துத் தெரிவித்திருந்திருப்பார்.

ஒரு தனிநபர், உச்ச நீதிமன்ற தலைமை நீதிபதி மீது செருப்பை வீசி உள்ளார். இது ஒரு தனிநபர் மீதான தாக்குதல் அல்ல; மாறாக, நீதியின் மீதான தாக்குதல், அரசியலமைப்பின் மீதான தாக்குதல். இந்த தாக்குதலை பா.ஜ., மற்றும் சங் பரிவார் நிர்வாகிகள் கொண்டாடித் தீர்க்கின்றனர். இதை பார்த்து கூட மோடி கோபப்படவில்லை.

இவ்வாறு பதிவில் கூறப்பட்டு உள்ளது.