சூரனை, முருகன் வதம் செய்வது கந்த சஷ்டியாக கொண்டாடப்படுகிறது. இந்த ஆண்டுக்கான கந்த சஷ்டி நாளை துவங்குகிறது. இதையொட்டி பெங்களூரில் உள்ள முருகர் கோவில்களில் என்னென்ன பூஜைகள் நடக்கிறது என்று பார்க்கலாம்.

ஸ்ரீமகான் ஒடுக்கத்துார் சுவாமிகள் மடம்: நாளை முதல் 27 வரை தினமும் காலையில் விக்னேஸ்வர பூஜை, மாலையில் சுப்பிரமணிய மூல மந்திர ஹோமம் நடக்கிறது.

முதல் நாளான நாளை காலையில் கணபதி ஹோமம், நவக்கிரக ஹோமம், ஸ்கந்த ஹோமம்; மாலையில் ஆலய வளாகத்தில் ரிஷப வாகனத்தில் சுவாமி ஊர்வலம்; 23ம் தேதி காலையில் அங்குரா பூஜை; காங்கேய தத்புருஷ் முக சுப்பிரமணிய ஹோமம்; சுப்பிரமணிய ஹோமம்; மாலையில், ஆட்டுக்கிடா வாகனத்தில் சுவாமி ஊர்வலம்; 24ம் தேதி காலையில் சோம கும்ப பூஜை; கார்த்திகா அகோர முக ஹோமம், மூலிகை ஹோமம்; மாலையில் யானை வாகனத்தி ல் சுவாமி ஊர்வலம்.

25ம் தேதி காலையில் சோம கும்ப பூஜை; விசாக சுப்பிரமணிய ஹோமம், வாமதேவமுக ஹோமம்; மாலையில் குதிரை வாகனத்தில் சுவாமி ஊர்வலம்; 26ம் தேதி காலையில் அங்குர பூஜை; சத்யோஜத முகம், சுப்பிரமணியர் ஹோமம் நடக்கிறது. அன்றைய தினம் மாலை 5:00 மணிக்கு வேல் பூஜை துவங்குகிறது. இதனை தொடர்ந்து காமாட்சி அம்மனிடம் இருந்து, முருகர் வேல் வாங்கும் நிகழ்வு மற்றும் இந்திர வாகனத்தில் சுவாமி ஊர்வலம். விழாவின் கடைசி நாள் காலையில் சோம கும்ப பூஜை; 108 வலம்புரி சங்கு அபிஷேகம்; அங்குர முகம் சிரப் யாகம், சுப்பிரமணிய சத்ரு சம்ஹார திருஷ்டி ஹோமம், பூர்ணாஹுதி நடக்கிறது. மாலையில் சூரசம்ஹாரம் நடக்கிறது.

அனைத்து நாட்களும் காலை, மாலையில் மஹா மங்களாரத்தி, பிரசாத வினியோகம் நடக்கிறது.

ராஜாஜிநகர் தண்டபாணி ஞானமந்திரா கோவில்: நாளை காலையில் ரக் ஷ பந்தனா, மாலையில் முருகருக்கு பாலசுப்பிரமணியர் அலங்காரம்; 23ம் தேதி இரவில் சுவாமி மலை அலங்காரம்; 24ம் தேதி மாலையில் சுப்பிரமணிய சுவாமிக்கு பூஜை; 25ம் தேதி மாலையில் அவ்வையார் உபதேசம் அலங்காரம்; 26ம் தேதி மாலையில் முருகன் வேல் வாங்கும் நிகழ்வு; 27ம் தேதி மாலையில் சூரசம்ஹாரம், இரவில் கலச அபிஷேகம்; 28ம் தேதி காலையில் முருகருக்கு சிறப்பு அபிஷேகம்; இரவில் முருகர், வள்ளி, தெய்வானை திருக்கல்யாணம்.

பாஷ்யம்நகர் முருகன் கோவில்: நாளை முதல் 25 ம் தேதி வரை காலையில் ஹோம சங்கல்பம்; அதன் பின் மஹா அபிஷேகம், ஸ்கந்த ஹோமம், தீபாராதனை; சிறப்பு அலங்காரம், சத்ரு சம்ஹார அர்ச்சனை; 26ம் தேதி காலையில் அபிஷேகம்; ஏக தின லட்சார்ச்சனை தீபாராதனை. 27ம் தேதி காலையில் விக்னேஸ்வர பூஜை; ஸ்ரீ கந்த சத்ரு சம்ஹார ஹோமம்; பூர்ணாஹுதி, கலசாபிஷேகம்; தீபாராதனை.

மாலையில் வேல் வாங்குதல், சூரசம்ஹாரம், தீபாராதனை, பிரசாத வினியோகம். 28ம் தேதி மாலையில் திருக்கல்யாண உற்சவம்; அன்னதானம்; திருமண தடை நீங்க பூ மாலை அணிவிப்பு.

தின்தினி மவுனகுரு சுவாமி மடம்: நாளை முதல் 28ம் தேதி வரை மாலையில் கந்த சஷ்டி கவசம் பாராயணம், அபிஷேகம், மஹா மங்களாரத்தி, 28ல் தண்டாயுதபாணி திருக்கல்யாணம்.

ஹலசூரு சுப்பிரமணிய சுவாமி கோவில்:

நாளை காலையில் மூல தெய்வ பிரார்த்தனை, கங்கா பூஜை, சங்கல்பம், புண்யாகம், கலச ஸ்தாபனம், கன ஹோமம், விஷ்ணு ஹோமம், பூர்ணாஹுதி; 23ம் தேதி காலையில் லட்சார்ச்சனை, தட்சிணமூர்த்தி ஹோமம், பூர்ணாஹுதி. 24ம் தேதி காலையில் கலசார்ச்சனை, துர்கா ஹோமம், பூர்ணாஹுதி.

25ம் தேதி காலையில் கலசார்ச்சனை, லட்சார்ச்சனை, நவக்கிரக ஹோமம், மிருத்யுஞ்ஜெய ஹோமம், பூர்ணாஹுதி; 26ம் தேதி காலையில் கலசார்ச்சனை, லட்சார்ச்சனை, சூரியநாராயணா ஹோமம்; 27ம் தேதி காலையில் கலசார்ச்சனை, லட்சார்ச்சனை, ருத்ர ஹோமம், வள்ளி - தெய்வானை ஸ்கந்த ஹோமம், பூர்ணாஹுதி, கும்ப அபிஷேகம். இதை தொடர்ந்து இரவு 7:00 மணிக்கு சூரசம்ஹாரம்.

29ம் தேதி மாலையில் முருகர், வள்ளி, தெய்வானை திருக்கல்யாணம். அனைத்து நாட்களும் மஹா மங்களாரத்திக்கு பின், பக்தர்களுக்கு பிரசாத வினியோகம் செய்யப்படுகிறது.