கோவில் காப்பாளர் எம்.ஏ., ராமானுஜம், தலைவர் குமாரி யமுனாதேவி, செயலர் கே.ரங்கராஜ ராமானுஜ தாசர், ஆலய பிரதான அர்ச்சகர் ஆர்.ராமானுஜம் பட்டர், அர்ச்சகர்கள் என்.ஸ்ரீதரன் பட்டர் ஜே.குசேலன் பட்டர் ஆகியோர் விடுத்துள்ள அறிக்கை:

ஆண்டர்சன்பேட்டை ஸ்ரீ நம்பெருமாள் ரங்கநாத சுவாமி கோவிலின் மஹா கும்பாபிஷேக விழா வரும் 18ம் தேதி துவங்குகிறது.

அன்று காலை 8:00 மணிக்கு அனுக்ஞை, பகவத் பிரார்த்தனை, புண்ணியாஹவசனம், மஹா சுதர்சன ஹோமம், பூர்ணாஹுதி, மிருசங்கரஹணம், அங்குரார்ப்பணம், வேத பிரபந்த துவக்கம்.

அன்றும், மறுநாளும் சிறப்பு பூஜைகள் நடக்கின்றன. வரும் 20ம் தேதி காலை: 6:30 மணிக்கு மங்கள இசை, புண்ணியாஹவசனம், கோ பூஜை, விஸ்வரூபம், நான்காம் கால நித்ய ஹோமம், நித்ய ஆராதனம், மூலமந்திர ஹோமம், மஹாபூர்ணாஹுதி, யாத்ரா தானம், கடம் புறப்பாடு நடக்கிறது.

காலை 9:45 மணிக்கு மூலவர் விமான கும்பாபிஷேகம்; 10:00 மணிக்கு மூலவர் கும்பாபிஷேகம் நடக்கிறது.

தொடர்ந்து, வேத பிரபந்த சாத்துமறை, தீர்த்த பிரசாத விநியோகம்; மாலை 4:00 மணிக்கு ஸ்ரீதேவி, பூதேவி சமேத நம்பெருமாள் திருக்கல்யாண உற்சவம்; இரவு 7:30 மணிக்கு திருவீதி உலா நடக்கிறது.

இவ்வாறு அதில் தெரிவிக்கப்பட்டுள்ளது.