பெங்களூரு நகர மாவட்ட கலெக்டர் அலுவலகத்தில், மாவட்ட கலெக்டர் காந்தராஜு தலைமையில், நேற்று முன் தினம் ஆலோசனை கூட்டம் நடந்தது.

இதில் விதிகளை மீறி செயல்பட்ட பெங்களூரின் டி.தாசரஹள்ளியின் அய்யப்பா டெம்பிள் மெடிக்கல் சென்டருக்கு 50,000 ரூபாய், ஜிகனியின் பத்மகிரி கிளினிக்குக்கு ஒரு லட்சம் ரூபாய், பி.ஜி.சாலையின் ஹர்ஷவர்த்தன் மருத்துவமனைக்கு 20,000 ரூபாய் அபராதம் விதிக்கப்பட்டது.

இம்மூன்று மருத்துவமனைகளும், கே.பி.எம்.இ., விதிமுறைகளை முற்றிலுமாக மீறியதால், இவற்றின் லைசென்ஸ் ரத்து செய்யப்பட்டது.

ஹெச்.ஏ.எல்., சாலையில் உள்ள கிளவுட் நைன் மருத்துவமனைக்கு 50,000 ரூபாய், ஹுல்லஹள்ளியின் ஆர்.வி.கிளினிக்குக்கு ஒரு லட்சம் ரூபாய், முனேஸ்வரா லே - அவுட்டின், இக்ஷா கிளினிக் மற்றும் ராஜாஜி நகரின் என்.யூ., மருத்துவமனைகளுக்கு, தலா 10,000 ரூபாய் அபராதம் விதிக்கப்பட்டது.