இச்சட்டம் தொடர்பாக கபீர் கான் என்பவர் ஆட்சேபனைக்குரிய வகையில் தெரிவித்த கருத்துகள், சமூக வலைதளங்களில் பரவியது. இதையடுத்து ஆசாத் நகர் போலீசார் தாமாக முன்வந்து, கபீர் கானை தேடும் பணியில் ஈடுபட்டனர்.

அவருக்கு ஆதரவாக செயல்பட்ட தாவணகெரேயை சேர்ந்த அப்துல் கனி, 56, முகமது ஜுபேர், 40, ஆகியோரை இரண்டு நாட்களுக்கு முன் போலீசார் கைது செய்தனர். தலைமறைவான கபீர் கான், ராஜஸ்தான் மாநிலம், ஆஜ்மீரில் இருப்பதாக போலீசாருக்கு தகவல் கிடைத்தது.

இதையடுத்து அங்கு சென்ற போலீசார், கபீர் கானை கைது செய்து, தாவணகெரே அழைத்து வந்தனர். மாவட்ட எஸ்.பி., உமா பிரசாந்த் கூறுகையில், ''சமூக வலைதளத்தில் ஆட்சேபனைக்குரிய வகையில் பேசிய கபீர் கான் ராஜஸ்தானில் கைது செய்யப்பட்டார். அவர் மீது வழக்கு பதிவாகி உள்ளது. அவரை நீதிபதி முன் ஆஜர்படுத்தி, கஸ்டடியில் எடுத்துள்ளோம். அவரிடம் விசாரணை நடத்தப்படும்,'' என்றார்.