குடகு மாவட்டம், மடிகேரி தாலுகாவின் சுன்டிகொப்பா கிராமத்தில் வசித்தவர் பஷீர், 48. இவருக்கு மனைவியும், இரண்டு மகள்களும் உள்ளனர். பஷீர் பல ஆண்டுகளாக, குவைத்தில் பணியாற்றி வந்தார். அங்கு சம்பாதிக்கும் பணத்தை மனைவி, மகள்களின் கணக்குக்கு அனுப்பினார். வெளி நாட்டில் இருந்தே, குடும்பத்தை நிர்வகித்தார்.

விடுமுறை கிடைக்காததால், பல ஆண்டுகளாக சொந்த ஊருக்கு வர முடியவில்லை. தற்போது விடுமுறை கிடைத்ததால், சில நாட்கள் மனைவி, மகள்களுடன் இருந்து விட்டு செல்லலாம் என்ற ஆசையில், குவைத்தில் இருந்து புறப்பட்டார். நேற்று அதிகாலை 3:00 மணிக்கு பெங்களூரின் கெம்பேகவுடா சர்வதேச விமான நிலையத்தில் வந்திறங்கினார்.

வீட்டுக்கு செல்வதற்காக, வெளியே வரும் போது, விமான நிலைய வளாகத்தில், அவருக்கு இருதயத்தில் வலி ஏற்பட்டது. மருத்துவமனைக்கு செல்வதற்குள், மாரடைப்பால் அவர் அதே இடத்தில் உயிரிழந்தார்.

இது குறித்து, குடும்பத்தினருக்கு தகவல் தெரிவிக்கப்பட்டது. அவர்களும் பஷீரின் உடலை சுன்டிகொப்பாவுக்கு எடுத்து சென்றனர்.