இந்நிலையில், மஞ்சள் வழித்தடத்தில் ஒவ்வொரு வாரத்திலும் திங்கட்கிழமைகளில் மட்டும் ரயில் சேவை அதிகாலை 5:05 மணிக்கு துவங்கப்படும். மற்ற நாட்களில் வழக்கம் போல காலை 6:00 மணிக்கு துவங்கப்படும் என, மெட்ரோ நிர்வாகம் தெரிவித்துள்ளது.

வார இறுதி நாட்களில் தங்கள் ஊருக்கு சென்று, மீண்டும் திங்கட்கிழமைகளில் மக்கள் பெங்களூரு திரும்புகின்றனர். இதனால், திங்கட்கிழமைகளில் பயணியர் கூட்டம் அதிகமாக காணப்படுகிறது. எனவே, திங்கட்கிழமைகளில் மட்டும் ரயில் சேவை முன்னதாக தொடங்கப்படும் என தெரிவிக்கப்பட்டுள்ளது.