மெட்ரோ நிர்வாகம் நேற்று வெளியிட்ட அறிக்கை:

மெட்ரோ ரயில்கள் வழக்கமாக குறிப்பிட்ட வேகத்தில் இயக்கப்படும். மெட்ரோ ரயில் துாண்கள், தண்டவாளத்தில் ஏதாவது பராமரிப்பு பணிகள் நடந்தால் மெதுவாக இயங்கும்.

அதேபோன்று, பெங்களூரு மாதவரா - சில்க் இன்ஸ்டிடியூட் இடையேயான பசுமை வழித்தடத்தில், ஆர்.வி., சாலை - ஜெயநகர் இடையே மெட்ரோ பராமரிப்பு பணி துவங்கியுள்ளது. இப்பணி முடியும் வரை பாதுகாப்பு காரணங்களுக்காக, இவ்விரு ரயில் நிலையங்கள் இடையே ரயில்கள் மெதுவாக செல்லும்.

எனவே, பயணியர் கவலைப்பட தேவையில்லை. ரயில் நேரங்களில் சிறிய மாற்றங்களை தவிர, வேறு பெரிய அளவில் மாற்றங்கள் இருக்காது. வழக்கமான நேரத்தில் ரயில்கள் வந்து செல்லும்.

அலுவலகத்துக்கு உரிய நேரத்தில் செல்லும் பயணியர், குறிப்பிட்ட நேரத்துக்கு முன்னதாகவே, வந்தால் தாமதத்தை தவிர்க்கலாம்.

எங்களுக்கு பயணியரின் பாதுகாப்பு தான் முக்கியம். அதற்காகவே, இந்த பராமரிப்பு பணி நடக்கிறது.

இவ்வாறு அறிக்கையில் கூறப்பட்டுள்ளது.