தேவையான பொருட்கள்

l இட்லிகள் - 4

l வெங்காயம் - 1

l தக்காளி - 1

l பச்சை மிளகாய் - 1

l இஞ்சி - சிறிய துண்டு

l கொத்துமல்லி - ஒரு கைப்பிடி

l தேங்காய் துருவல் - 1 ஸ்பூன்

l கறிவேப்பிலை - ஒரு கொத்து

l கடுகு - கால் ஸ் பூன்

l உளுத்தம் பருப்பு - கால் ஸ்பூன்

l வேர்க்கடலை அல்லது முந்திரிப்பருப்பு - சிறிதளவு

l மஞ்சள் துாள் - கால் ஸ்பூன்

l சாம்பார் மசாலா - 1 ஸ்பூன்

l பாவ் பாஜி மசாலா - 1 ஸ்பூன்

l நெய் அல்லது எண்ணெய் - 1 ஸ்பூன்

l வெண்ணெய் - 1 ஸ்பூன்

l உப்பு - சுவைக்கு ஏற்ப

செய்முறை: முதலில் இட்லிகளை சிறு, சிறு துண்டுகளாக வெட்டி கொள்ளவும். அடுப்பில் தோசைக்கல் வைத்து, மிதமான தீயில் வைக்கவும். தோசைக்கல்லில் நெய் அல்லது நெய் ஊற்றவும். சூடானதும் கடுகு, உளுந்தம் பருப்பு போடவும். அதன்பின் கறிவேப்பிலை, பொடியாக நறுக்கிய இஞ்சி, பச்சை மிளகாய், வெங்காயம், தக்காளி சேர்த்து வதக்கவும்.

இந்த கலவையில் மஞ்சள் துாள், பாவ் பாஜி மசாலா, சாம்பார் மசாலா, உப்பு சேர்க்கவும். அனைத்தும் பொன்னிறமாக வதங்கிய பின், இட்லி துண்டுகளை போட்டு கிளறவும். இதன் மீது வறுத்து பொடித்த வேர்க்கடலை அல்லது முந்திரிப்பருப்பு, தேங்காய் துருவல், எலுமிச்சைச் சாறு சேர்த்துக் கிளறவும். அதன் மீது வெண்ணெய் தடவி, நறுக்கிய கொத்துமல்லி தழையை துாவினால், சுவையான ஸ்பைசி தவா இட்லி தயார்.

இது சுவையாக இருக்கும். விருந்தினர்களிடம் பாராட்டும் கிடைக்கும்

- நமது நிருபர் - .