அப்போது, பைக்கில் வந்தவர்களில் ஒருவர், சலீமை நோக்கி கண்மூடித்தனமாக துப்பாக்கியால் சுட்டு உள்ளார். இதில், சலீமின் வலது கையில் குண்டு துளைத்தது. பைக்கில் வந்த மர்ம நபர்கள் தப்பி சென்றனர்.

இதையடுத்து, சலீம் நெலமங்களாவில் உள்ள தனியார் மருத்துவமனையில் அனுமதிக்கப்பட்டார். சிகிச்சைக்கு பின் அவரது உடல் நிலை சீராக உள்ளது. இது குறித்து நெலமங்களா ரூரல் போலீசார், மர்ம நபர்கள் யார், கொலை செய்வதற்கான காரணம் குறித்து விசாரித்து வந்தனர்.

இது குறித்து கூடுதல் எஸ்.பி., நா கராஜ் கூறியதாவது:

துப்பாக்கி சூடு சம்பவம் குறித்து துணை எஸ்.பி., ஜெகதீஷ் தலைமையிலான குழுவினர் தீவிரமாக விசாரித்து வருகின்றனர். இச்சம்பவம் முன்பகை காரணமாக அரங்கேறி உள்ளது.

துப்பாக்கி சூட்டில் நாட்டு துப்பாக்கிகள் பயன்படுத்தப்பட்டு உள்ளன. இதே கிராமத்தை சேர்ந்தவர்களே துப்பாக்கி சூடு சம்பவத்தில் ஈடுபட்டு உள்ளனர்.

அவர்கள் விரைவில் கைது செய்யப்படுவர். சம்பந்தப்பட் டவர்கள் மீது கடும் நடவடிக்கை எடுக்கப்படும். ஏற்கனவே, சலீமை கொலை செய்ய பல முயற்சிகள் நடந்து உள்ளன.

இவ்வாறு கூறினார்.