ஆங்கில புத்தாண்டை ஒட்டி, மெட்ரோ நிறுவனம், பயணியர் வசதிக்காக கூடுதல் ரயில்களை இயக்க முன்வந்துள்ளது. அதுபோன்று பி.எம்.டி.சி., நிர்வாகமும், ஆங்கில புத்தாண்டை ஒட்டி, சிறப்பு வசதியை செய்துள்ளது.

இதன்படி, வரும் 31ம் தேதி இரவு 11:00 மணி முதல் ஜனவரி 1ம் தேதி அதிகாலை 2:00 மணி வரை எம்.ஜி., சாலை, பிரிகேட் சாலையில், 70க்கும் மேற்பட்ட பஸ்கள் கூடுதலாக இயக்கப்பட உள்ளன.

பிரிகேட் சாலையில் இருந்து எலக்ட்ரானிக் சிட்டி, ஜிகனிக்கு தலா ஆறு; எம்.ஜி., சாலையில் இருந்து சர்ஜாபூர், ஹொஸ்கோட், சன்னசந்திராவுக்கு தலா ஆறு;

கெங்கேரி, நெலமங்களா, எலஹங்கா, பாகலுார், காடுகோடி, பனசங்கரிக்கு தலா நான்கு, ஜீவன் பீமா நகருக்கு இரண்டு; சர் எம்.விஸ்வேஸ்வரய்யா மெட்ரோ நிலையத்தில் இருந்து சென்ட்ரல் சில்க் போர்டுக்கு நான்கு; மெஜ்டிக்கில் இருந்து கோரமங்களாவுக்கு இரண்டு உட்பட 70 பஸ்கள் இயக்கப்படுகின்றன.

எனவே, பொது மக்கள் புத்தாண்டு கொண்டாட்டத்தை முடித்து கொண்டு, சொந்த வாகனங்களில் செல்வதற்கு பதில், அரசு பஸ்களில் பயணம் செய்யுங்கள்.

இவ்வாறு அதில் குறிப்பிட்டு உள்ளது.