கர்நாடகாவில் முதல்வர் சித்தராமையா தலைமையில் காங்கிரஸ் ஆட்சி நடக்கிறது. இந்த அரசு அமைந்து நாளையுடன் மூன்று ஆண்டுகள் ஆக உள்ள நிலையில், அதிக ஆண்டுகள் முதல்வராக இருந்தவர் என்ற புதிய சாதனையை சித்தராமையா நேற்று படைத்து உள்ளார்.

கடந்த 2013 - 2018 காங்கிரஸ் ஆட்சியில் 5 ஆண்டுகள் 4 நாட்கள்; தற்போதைய ஆட்சியில் நேற்றுடன் சேர்த்து 2 ஆண்டுகள் 361 நாட்கள் என 8 ஆண்டுகள் சித்தராமையா முதல்வராக இருந்து உள்ளார். இதற்கு முன்பு அதிக நாட்கள் முதல்வராக இருந்தவர் என்ற பெருமை நிஜலிங்கப்பாவிடம் இருந்தது.

அவர் 7 ஆண்டுகள் 239 நாட்கள் முதல்வராக இருந்தது குறிப்பிடத்தக்கது. அதுபோல மாநிலத்தில் அதிக பட்ஜெட் தாக்கல் செய்தவர் என்ற பெருமையும் சித்தராமையா வசமே உள்ளது. நிதி அமைச்சராக அவர், இதுவரை 17 பட்ஜெட் தாக்கல் செய்து உள்ளது குறிப்பிடத்தக்கது.