தம்பதிக்குள் ஒத்து போகவில்லை. அவ்வப்போது சண்டை போட்டனர். ஒரு கட்டத்தில், மனைவி கோபித்து கொண்டு, கணவரை விட்டு பிரிந்து சென்றார்.

மனைவி பிரிந்து சென்ற பின், மாமனார், மருமகன் இடையே மனக்கசப்பு அதிகரித்தது. தினம் ஏதாவது ஒரு காரணத்தை வைத்து, தகராறு செய்து கொள்வர்.

இதற்கிடையே, மாமா ராஜா நாயக், தன் நிலத்தில் தென்னங்கன்று நட்டிருந்தார். இதில், இரண்டு செடிகளை, மருமகன் தேவராஜ் நாயக், நேற்று காலை வெட்டி போட்டார். இதனால் கோபமடைந்த ராஜா நாயக், அரிவாளால் மருமகனை வெட்டி கொலை செய்தார்.

பஞ்சனஹள்ளி போலீசார், ராஜா நாயக்கை கைது செய்து விசாரிக்கின்றனர்.