தங்கவயல் வக்கீல்கள் சங்கத்துக்கு இரண்டு ஆண்டுகளுக்கு ஒரு முறை தேர்தல் நடத்தப்பட வேண்டும். பல்வேறு காரணங்களால் தேர்தல் நடத்தப் படாமல் இருந்தது. ஐந்து ஆண்டுகளுக்கு பின், நேற்று தேர்தல் நடந்தது. நேற்று காலை 9:00 மணி முதல் பகல் 3:00 மணி வரை ஓட்டுப்பதிவு நடந்தது. மொத்த ஓட்டுகள் 147; பதிவானவை 146.

ஓட்டுப்பதிவு முடிந்த பின் ஓட்டுகள் எண்ணப்பட்டது. தலைவராக எஸ்.என். ராஜகோபால கவுடா, துணைத் தலைவராக கே.சி.நாகராஜ், பொதுச் செயலராக ஆர்.ஜோதிபாசு, துணைச் செயலராக ஆர்.ஜெகநாதன், பொருளாளராக கே.பிரீத்தி; செயற்குழு உறுப்பினர்களாக எம்.அசோகன், டி.பானு, கே.எஸ்.ராஜசேகர், சி.சிவப்பா, சி.வினோத்குமார், பி.சி.கண்ணன் ஆகியோர் வெற்றி பெற்றனர்.

வெற்றிப் பெற்றவர்களுக்கு அவரவர் ஆதரவாளர்கள் மாலைகள், சால்வைகள், மைசூரு தலைப்பாகை அணிவித்தும், பட்டாசு வெடித்தும் வாழ்த்து தெரிவித்தனர்.