இது குறித்து ரிசர்வ் வங்கி தெரிவித்துள்ளதாவது: 'டாடா கேப்பிட்டல் பைனான்சியல் சர்வீசஸ்' உள்ளிட்ட 15 வங்கி சாரா நிதி நிறுவனங்கள், பல்வேறு காரணங்களுக்காக, தங்கள் பதிவுச் சான்றிதழ்களை திருப்பி ஒப்படைத்துள்ளன. இதில், ஒன்பது வங்கி சாரா நிதி நிறுவனங்கள், ஒருங்கிணைப்பு, இணைப்பு, கலைப்பு அல்லது தானாக செயல்பாடுகளை நிறுத்துதல் உள்ளிட்ட காரணங்களால், சட்டப்பூர்வ நிறுவனங்களாக தொடர்வதை நிறுத்திக் கொண்டன.

இதையடுத்து, தற்போது ஆறு நிறுவனங்கள், வங்கி சாரா நிதி வணிகத்தில் இருந்து வெளியேறி, தங்களது பதிவு சான்றிதழ்களை ஒப்படைந்துள்ளனர். இதைத் தொடர்ந்து மொத்தம் 15 வங்கி சாரா நிதி நிறுவனங்கள், ரிசர்வ் வங்கியால் வழங்கப்பட்ட, தங்களது பதிவு சான்றிதழ்களை திருப்பி அளித்துள்ளன. இவ்வாறு ரிசர்வ் வங்கி தெரிவித்துள்ளது.