எனவே, வீட்டுக்கடன் நிர்வாகத்தில் கவனம் செலுத்துவது அவசியம். கடன் சுமை அதிகரிக்காமல் இருப்பதற்கான உத்திகளை பின்பற்றுவது அவசியம். அதோடு, வீட்டுக்கடனை வேகமாக திரும்பி செலுத்துவதற்கான வழிகளையும் பின்பற்றுவது நல்லது. அந்த வகையில், கைகொடுக்கும் செயல்திறன் வாய்ந்த உத்திகளை பார்க்கலாம்.

தவணை தொகை:

கடனுக்கான மாதத்தவணையை தவறாமல் செலுத்துவது முக்கியம். எனினும், இது மட்டும் போதாது. வாய்ப்பிருந்தால், அசலில் ஒரு பகுதியை முன்கூட்டியே திருப்பி செலுத்துவதற்கு முயற்சிக்க வேண்டும். இது, அசல் குறைய வழி செய்யும். போனஸ் போன்ற தொகையை இதற்கு பயன்படுத்தலாம்.-

சிறிய தொகை:

மொத்தமாக பெரிய தொகை செலுத்த முடியாவிட்டாலும், அவ்வபோது கிடைக்கும் சிறிய தொகையை அசலுக்காக செலுத்தலாம். மாதத்தவணையில் பெரும் பகுதி வட்டியாகவே அமைவதால், அசலில் ஒரு பகுதியை செலுத்துவதன் மூலம், வட்டியாக செலுத்தும் தொகையை அதற்கேற்ப குறைக்கலாம்.

வட்டி விகிதம்:

வட்டி விகிதம் உயரும் போது, பொதுவாக கடனுக்கான காலம் உயர்த்தப்படும் உத்தி பரவலாக பயன்படுத்தப்படுகிறது. இதனால் மாதத்தவணை அதிகரிக்காது என்றாலும், மொத்த கடன் சுமையை அதிகரிக்கும். எனவே, மாதத்தவணையை அதிகரிக்கும் வழியை நாட முயற்சிக்க வேண்டும். -

கடன் மாற்றம்:

வாய்ப்பிருந்தால், சாதகமான வட்டி விகிதம் கொண்ட வங்கிக்கு கடனை மாற்ற முயற்சிக்கலாம். ஊதிய உயர்வு போன்றவை கிடைக்கும் போது அந்த தொகையை அசலின் ஒரு பகுதியாக செலுத்தலாம். ஊதிய உயர்வுக்கு ஏற்ப மாதத்தவணையை அதிகரிக்கும் வாய்ப்பையும் பரிசீலிக்கலாம்.-

கடன் நிர்வாகம்:

முன்கூட்டியே கடனை அடைக்க முயற்சிப்பது முக்கியம் என்றாலும், உபரி தொகையை இதற்காக பயன்படுத்தும் போது கைவசம் போதிய அவசர கால நிதி இருப்பதை உறுதி செய்து கொள்வது நல்லது. கடனை முன்கூட்டியே அடைப்பது தொடர்பான சாதக பாதகங்களை கணக்கிடுவதோடு, வரி சேமிப்பையும் கவனத்தில் கொள்ள வேண்டும்.