உள்ளடக்கத்திற்கு செல்ல

UPDATED : அக் 02, 2026 12:00 AM
ADDED : அக் 01, 2026 10:44 PM

அ நிறம் | அளவு
புதுடில்லி: கடந்த செப்டம்பர் மாத ஜி.எஸ்.டி., வசூல் 15 சதவீதம் அதிகரித்து, 2.04 லட்சம் கோடி ரூபாயை கடந்துள்ளது என, மத்திய நிதியமைச்சகம் தெரிவித்துள்ளது.
நடப்பு நிதியாண்டில், மூன்றாவது முறையாக, ஜிஎஸ்டி வசூல் இரண்டு லட்சம் கோடி ரூபாயை தாண்டியிருப்பது குறிப்பிடத்தக்கது. முன்னதாக, ஏப்ரலில் 2.43 லட்சம் கோடி ரூபாயும் ஜூலையில் 2.11 லட்சம் கோடி ரூபாயும் வசூலாகி இருந்தது.
நடப்பு நிதியாண்டின் முதல் அரையாண்டில் ஜி.எஸ்.டி., வசூல் 11.60 சதவீதம் வளர்ச்சியடைந்து 12.46 லட்சம் கோடி ரூபாயாக உள்ளது. கடந்த மாதம் உள்நாட்டு பரிவர்த்தனைகள் வாயிலான வருவாய் 10.10 சதவீதம் உயர்ந்து 1.38 லட்சம் கோடி ரூபாயாகவும்; இறக்குமதி வாயிலான வருவாய் 26 சதவீதம் அதிகரித்து 65,525 கோடி ரூபாயாகவும் இருந்தது.
