தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
ADDED : மார் 28, 2024 11:15 PM
புதுடில்லி:நாட்டின் முக்கிய எட்டு துறைகளின் வளர்ச்சி, கடந்த பிப்ரவரி மாதத்தில், 6.70 சதவீதமாக குறைந்துள்ளது. இது, கடந்தாண்டு பிப்ரவரியில் 7.40 சதவீதமாக இருந்தது. எனினும், நடப்பாண்டு ஜனவரியில் இருந்த 4.10 சதவீத வளர்ச்சியை விட இது அதிகம் என்பது குறிப்பிடத்தக்கது. உரத்துறையின் வளர்ச்சி, கடந்த பிப்ரவரி மாதத்தில் மைனஸ் நிலையில் இருந்ததே இதற்கு முக்கிய காரணமாக அமைந்தது.
இந்நிலையில், நடப்பு நிதியாண்டின் ஏப்ரல் முதல் பிப்ரவரி வரையிலான காலகட்டத்தில், முக்கிய எட்டு துறைகளின் வளர்ச்சி 7.70 சதவீதமாக சரிந்துள்ளது. இது கடந்த நிதியாண்டின் இதே காலகட்டத்தில் 8.20 சதவீதமாக இருந்தது.
எட்டு முக்கிய துறைகளில், நிலக்கரி, கச்சா எண்ணெய், இயற்கை எரிவாயு, பெட்ரோலிய சுத்திகரிப்பு பொருட்கள், உரம், உருக்கு, சிமென்ட், மின்சாரம் ஆகியவை அடங்கும். இவை, நாட்டின் தொழில் துறை உற்பத்தியைக் கணக்கிடுவதில், 40.27 சதவீத பங்களிப்பை கொண்டுள்ளன.